Wolpert und seine Hausfrau Eckewich schenken dem Stift Münster-M eine Hufe zu Mertlach und Ruver
Datierung: 964 04 29
In nomine domni Noverit omnium fidelium nostrorum industria qualiter ego Volpertus una cum consensu ac petitione coniugis dilectae Ecgeuuihc vuocatae unum mansum ad s. Martini monasterium et ad fratrum refectionem in proprium tradidimus in locis cultis et incultis in curtilibus in silvis pratis pascuis rivis et in omnibus ibidem legaliter aspicientibus in villa quae vocatur Mertilacha in marca mertilachoro et in ruueri presentemque insuper tradicionis cartulam scribere iussimus ut nullo posteritatis nostrae persona eam frangere animo furenti presumet; Si quis itaque deinceps quod non credimus istius affirmationis scripta: quae ob animarum remedia debitorumque parentuum fieri decrevimus violare aut irrumpere presumpserit! iram omnipotentis dei ac predicti sancti in anima et corpore perpetualiter teneat si talia furiosus non relinquat.
Actum in pago Megonovelt vocato ad monasterium s. Martini in comitatu Udoni III Kalend. Mai. Publice coram testibus presentialiter denotatis Volperto primum qui hanc titulationis rem fieri iubebat Uuolcuuino Fridolo Beriuuicho Ingramno Berniconi Reginbaldo Vuinleicho Albrico Trugero Albrico Vodelricho Vollaico Hardino Albrico Eingilboldo.
Signum scriptoris qui istius veritatem libelli denotavit Alperti Anno incarnationis dominicae DCCCCLXIIII inditione VII regnante rege Ottone anno XVIII feliciter Amen.