Un nommé Jean de la Chapelle Anchéri avait acheté une terre de quatre bœufs, payant six deniers de cens, pour la laisser à perpétuité à Saint-Martin et à Saint-Médard, aux mérites duquel une église anciennement bâtie en ce lieu doit sa renommée. Bouchard, noble homme du fief de qui elle relevait, accorde aux moines que, s’ils étaient jamais expulsés de ce lieu, la terre ferait retour à Marmoutier.
Datierung: Um 1050
Omnia commoda prediorum que in ecclesiis per orbem terre diffusis fideles Christiani delegant, aut religiosi quique in eisdem æcclesiis commorantes, viva sollicitudine vel acquirunt vel comparant, deberi inscriptis posteritati hominum per noticiam conservare, satis compertum habemus. Hoc ergo scientes, propterea in vita nostra ea que in hac cella Beati Martini Maioris Monasterii per nostram sollicitudinem gratia divina confert, et nos in scriptis posteris relinquimus, ut si qui perversi deinceps extiterint qui de his aliquid calumniare presumant, sint in testimonium damnationis ipsorum, que scripta aut a nobilibus quibusque viris firmata, retinentur. Habebat itaque apud capellam Anscherii quidam homo, nomine Johannes, terram ad quatuor boves, que unoquoque anno, in festivitate Sancti Beati, sex denarios persolvebat in censum. Quam videlicet comparatam, ut Beato Martino Sanctoque Medardo, cuius meritis in supradicta cella ab antiquis constructa, in honore ipsius ecclesia fulget, perpetualiter remaneret; petivimus a quodam nobili viro, Burchardo nomine, in cuius fisco erat, ut ex sua parte illam predictis Christi confessoribus auctorizaret. Qui benigne annuens petitioni nostre iussit nobis istam cartam fieri sub tali ratione ut si aliquando, irruentibus causisinvidie, a supradicta cella Sancti Martini monachi fugarentur, ipsa terra ad locum Maioris Monasterii transferretur. Postea vero, in conventu nobilium virorum,firmavit eam ipse Burchardus et isti alii nobiles viri quorum hic sunt nomina subterscripta:
| S Burchardi | S Ansaldi presbiteri |
| S Effridi | S Ivonis decani |
| S Teduini | S Hugolini. |