Le chevalier Rainard, pour le repos de son âme et celle de ses père et mère, laisse à perpétuité à Saint-Martin la libre et paisible possession de sa terre de Monceau, près de Lancé, pour laquelle les moines payeront seulement trois sols de cens à Fulcois, huit deniers à Frodon et quatre aux fils d’Alsende. Le même Fulcois reçoit, en outre, huit sous de ventes; la mère de Rainard, qui avait eu cette terre en dot, reçoit six livres de deniers pour son consentement, et son frère une paire de chaussures écarlates. Mais après la mort de Rainard et celle du moine, prévôt de cette terre, le susdit Fulcois, prétendant que ce moine ayant été vicaire de la terre, des reliefs lui étaient dus à sa mort, élève une revendication qui est rejetée. Malgré cela, les moines lui donnent vingt sous pour avoir son consentement et celui de ses fils.
Datierung: Vor 1060
Notum sit omnibus Dei ecclesiæ fidelibus et precipue nostris successoribus, militem quendam Rainardum nomine, filium Odonis de Dalmariaco, tam pro anime sue remedio quam pro absolutione animarum patris ac matris, dedisse Sancto Martino in loco Maioris Monasterii ad usum videlicet fratrum ibidem omnipotenti Deo servientium, terram illam quam apud Moncellum et apud Lanciacum cultam et incultam habere videbatur, scilicet terram arabilem, prata, vineas et aliquantulum silve. Mater autem eius in cuius dotalitio haec terra consistebat, pro eo quod proprio filio ad hoc donum faciendum eandem terram in vita sua reliquit, libras VI accepit de denariis eiusdem Sancti Martini. Fulcodius vero, Rodulfi Marmionis filius, VIII inde solidos de venditionibus recepit. Adraldus autem, filius Ermengardis, frater eiusdem Rainardi, caligas etiam habuit vermiculas, annuende causa ipsius donationis. Ea vero ratione, memoratus vir prefatam terram Sancto Martino monachisque suis contulit, quatinus ipsi in perpetuum eam libere ac quiete possiderent, tantummodo censum solventes tribus terminis in anno, festivitate scilicet Sancti Martini hiemali, III Idus novembris, solidos III predicto Fulcodio; rursus festivitate Sancti Johannis, IIII Kalendas septembris, foro videlicet Blesis, denarios VIII Frodoni, filio Archengerii; item festivitate Sancti Dionisii, VII Idus octobris, denarios IIII filiis Alsendis. Quod si forte aliquis terminorum istorum, sive per oblivionem seu per negligentiam ministri Sancti. Martini preterierit, non reddito censu, salva donatione ista, census ipse legaliter emendetur. Quamdiu ergo qui illam dederat advixit Rainardus, solidam ac quietam et absque ullius calumnia eam habuimus; sed eo defuncto, Hilduino quoque nostro monacho illiusque terre preposito similiter defuncto, Fulcodius supradictus, cui III solidi reddebantur, eam nobis inquietare cepit et calumniari, mentiens monachum illum nostrum terre illius fuisse vicarium, ideoque iustum esse ut relevaretur, quandoquidem esset defunctus. Unde in placito convictus nec ius sibi vindicare potuit nec eius iniusta calumnia in aliquo prevaluit. Tamen, ut moris est monachorum paci semper studere et quieti, XX solidos ei dedimus ut eam deinceps quietam ab omni penitus calumnia nobis annueret ac filios suos annuere faceret. Quod et ipse annuit et filii eius Fulco videlicet, Aimericus, Egidius. Utriusque autem rei et donationis videlicet Rainardi et Fulcodii, filiorumque eius firmationis, testium nomina hac in pagina sunt subscripta; sed priores seorsum subscripsimus donationis, posteriores eque seorsum firmationis.
| S Odonis Rufi | S Salamonis de Lavarzino |
| S Guillelmi de Monte aureo | S Odonis Rufi |
| S Drogonis filii Francherii | S Mathei de Monte aureo |
| S Drogonis fratris eius | |
| S Hugonis de Campaniaco | S Rosthonis de Lavarzino |
| S Tetbaldi filii Leterii | |
| S Hubaldi maioris | S Constantini, canonici Sancti-Georgii |
| S Ingelbaldi de Beziaco | |
| S Drogonis presbyteri. | S Drogonis, fratris eius |
| S Algerii, filii Guarini | S Huberti clerici |
| S Arnulfi filii Leodegarii | S Benedicti Blanchardi |
| S Ranaldi iunii |