Les moines achètent, pour trois livres de deniers, quatre manses de terre faisant partie de leur terre de Mont Hildulfe, et que tenaient les frères Robert et Hugo, avec leur frère naturel Isembard, et un quatrième tenancier nommé Arnulfe ; cela du consentement d’Hubert, de qui ils la tenaient. Les moines payent aussi aux trois mêmes frères six livres de deniers pour une autre terre qu’ils tenaient d’un nommé Frédéric, près la fontaine Ventale, et pour une partie d’une troisième terre, qu’ils avaient en commun avec Gauscelin, lequel reçoit cent sols pour sa part. Plusieurs, qui avaient des droits sur ces biens, reçoivent, pour leur autorisation, savoir: Alchérius cent sols, Odon le Roux huit livres de deniers, Robert de Marrei quarante sous, et Salomon de Lavardin, seigneur suzerain, vingt sols.
Datierung: Vor 1062
Nosse debebitis, si qui eritis posteri nostri Maioris scilicet huius habitatores Monasterii, Rotbertum quemdam et Hugonem fratrem eius Isembardum quoque istorum amborum non matrimonialem fratrem et Arnulfum cognomento Vicinum de Guastina, partem quamdam tenuisse terre illius que ad hunc locum Maioris Monasterii pertinens, prope Villam illam sita est quam Montem Hildulfi appellant, et huius partis videlicet Sancto memorati loci Martino, et nobis venditionem fecisse, preciumque libras tres denariorum extitisse. Cuius quantitas IIIIor mansurarum estimatur non continuatim extensa, sed in locis separata duobus. Pars una est apud Villam repertam, altera apud Plaxitium Arnulfi iam semel nominati. Pars illa que est apud Villam repertam ab oriente et ab aquilone terræ Maiuardi venatoris coniungitur, a reliquis vero partibus nostre unitur. Porro, pars illa que apud Plaxitium sita est, a septentrione habet metam idem Plaxitium, ab oriente terram de Trapa que est vindocinensium monachorum, a meridie terram Lisoii Joise, ab occidente totam noam in se continens, terminatur ad terram Ascelini Chotardi, que dicitur mansura Sedelinne. Hanc supradicti homines terram ab Huberto filio Avisgaldi tenebant, cuius auctoramentum expetitum facillime affuit. Hii nichilominus prenominati tres fratres haut longe ab hac descripta superius terra et aliam terram, videlicet Frederici, prope fontem Ventalem feruntur tenuisse, et pro hac nobis vendita et pro parte illius quam communem habebant cum Gauscelino filio Galterii cognomento Guasnachii, VI denariorum libras accepisse, quos in venditione partis sue, secutus Gauscelinus ille filius Galterii, pro ea centum a nobis dati sunt solidi. Hæc quoque terra ab omni prorsus consuetudine absoluta, finibus continetur istis, a plaga videlicet orientali terra Hugonis filii Gausberti de Axia, a meridiana terra canonicorum turonnensium Sancti Martini, ab aquilonali terra Mainardi venatoris, ab occidentali valle fontis Ventalis. Alcherius, filius Gauscelini venatoris de quo tenebant terram istam prefati viri, datis eis centum a nobis solidis, ad confirmandam venditionem auctoramentum suum attulit. Odo Rufus et ipse non negavit suum; sed cum pro hoc accepisset libras VIIIto denariorum, porro Rotbertus de Marrei de quo tenebat partem suam supradictus Gauscelinus filius Galterii, quia cum daret ei Gauscelinus venator filiam suam uxorem, addidit illi et terram illam, ipse etiam Rotbertus scilicet ad hoc confirmandum, XL solidis provocatus accessit; sed et Salomon de Lavarzino, huius terre principalis dominus existens, huic emptioni corroborande, manum extremam imposuit, adductus ad hoc, et ipse solidis XX. utrarumque venditionum sive emptionum, testes inferius distincte sunt annotati, producendi ad convincendam calumniam, si forte in posterum surrexerit. Hii sunt prioris emptionis testes: Rainaldus coquus – Gauzlinus forestarius – Durandus forestarius – Ebrulfus cellararius – Giraldus pistor – Ursio – Michael Rufus – Rainaldus pistor – Adraldus coquus – Rotbertus presbyter. Secunde emptioni testificantur idem ipsi testes auctoramenti Salomonis: Odo – Roszo de Lavarzino – Galdricus homo Salomonis – Galterius grenerius – Fulbertus de Turre – Arnulfus Vicinus Rotbertus filiaster Salomonis – Hubertus Raddura. Testes auctoramenti Odonis Rufi : Mathens de Monte aureo – Drogo frater Mathei – Fulcodius de Banasta – Mainardus forestarius – Rotbertus de Marrei – Gaufredus homo eiusdem Rotberti – Gauscelinus filius Galterii Gasnachii – Alcherius filius Gauscelini de Gastinel – Gerbertus de Booleto. Testes auctoramenti Alcherii sive Rotberti de Marrei, necnon et venditionis partis Gauscelini filii Galterii: Matheus de Monte aureo – Drogo frater eius - Fulcodius de Banasta – Arnulfus Vicinus – Gaufredus de Marrei – Herbertus frater predicti Gauscelini – Martinus astarius – Girbertus de Booleto Mainardus forestarius – Fulco monachus – Hildebertus monachus.