Burchard, après la mort du clerc Ansaud, son frère, s’empare d’un moulin situé sur le Loir, à Vendôme, et que ce dernier avait, avec son consentement, donné à Saint-Martin. L’abbé Albert porte l’affaire devant la cour du comte Geoffroi, où Burchard finit par reconnaître avoir mal agi. Mais, sur la prière de Geoffroi et de ses hauts dignitaires compatissants à la pauvreté de Burchard, les moines lui laissent la moitié du moulin, sa vie durant, à cette condition, acceptée par ses fils, qu’à sa mort cette moitié fera retour à Marmoutier, franche de toute revendication.
Datierung: 1040-1060
Omnibus notum percognitumque fieri volumus sancte Dei æcclesie cultoribus, quod quidam clericus nomine Ansaldus, divino ut credimus flatu animatus, quandam partem sue possessionis, videlicet molendinum super alveum fluminis Lidi, in burco Castri Vindocini positum, Maioris Monasterii monachis, suo fratre Burchardo annuente, tribuit. Post cuius excessum ipse Burchardus, divina humanaque iudicia non metuens, extensa manu cupiditatis vim inferendo, molendinum sibi usurpavit. Post aliquantum vero temporis, Gaufrido comite apud Vindocinum consistente, Albertus, tunc Maioris Monasterii abbas, iunctis sibi qui cum illo aderant monachis, curiam adiit, et totam causam, ut erat ab exordio, in dispositionem comitis suorumque fidelium misit. Sed predictus Burchardus, post multas circonlocutiones atque anfractus verborum in plena curia, iudicio equitatis convictus mentis retractatione se nequiter egisse circa Maioris Monasterii monachos recognovit. Igitur huius rei facta discussione, tam Gaufredus comes quam alii huius seculi dignitate pollentes, illius paupertati compatientes, predictum abbatem et qui cum eo erant fratres conveniunt, deprecando ut sibi, quamdiu advixerit, medietatem molendini consentiant, tali conditione posita, ut post eius obitum, eadem pars libera atque ab omnium insidiatorum calumnia quieta, annuentibus suis filiis Gervasio, Hilgodio atque Galterio, ad locum Maioris Monasterii redeant. Huius conventionis cyrographum ut firmum in perpetuum maneat, Gaufridus comes auctoritate sua firmavit suisque fidelibus corroborandum tradidit, quorum nomina subscripta sunt:
| S. Gaufridi comitis. | S. Odonis Claudi de Lineriis. |
| S. Salomonis de Lavarzino. | S. Odrici. |
| S. Aimerici de Fagia. | S. Rainaldi filii Fulcradi. |
| S. Galterii Tisonis. | S. Odonis Rufi. |
| S. Hugonis Manducantis britonem. | S. Achardi. |
| S. Bernardi Rivelli. | |
| S. Guismandi filii Guismandi. | S. Hugonis filii Gelduini. |
| S. Burchardi. | |
| S. Galterii filii Drogonis. | S. Gervasii filii eius. |
| S. Bartholomei. | S. Galterii filii eius. |
| S. Fulcradi. | S. Hilgodi filii eius. |