Salomon, de l’ordre des Clercs, par amour de Dieu, donne à perpétuité à Saint-Martin, et du consentement de son fils, son alleu de Faverilles, en Vendômois. Menaces contre quiconque tenterait d’inquiéter les moines dans leur libre et paisible jouissance.
Datierung: 11. Jahrhundert
Auctoritate divina misericorditer instructi, quum huius seculi finem in proximo futurum expectamus, necesse est ut unusquisque nostrum ex eo quod sibi ab omnium largitore conceditur bonorum, prout prevalet, satagat quomodo post obitum suum et delictorum veniam et gaudium adipisci mereatur eternum. Quod si sospitate corporis vel etate prevalente miserabiliter decepti, cursum vite nostre longiorem putantes, salutem anime procurare negleximus, saltem circa finem existentes, quanto propinquiorem mortem conspicimus, tanto nobis exigente culpa vehementius timeamus, et illius piissimi conditoris nostri cui sacrificium penitencie non in numero annorum, sed in cordis ac spiritus contritione est, clementia fusis lacrimis expetentes, nunquam de eius nos misericordia desperandos esse credamus. Hac igitur fidutia confidens ego in Dei nomine, Salomon ordine clericali preditus, pro subventione anime mee ad presens ab hac vita migraturae, concedo, assensu ac voluntate Ivolini filii mei, Sancto Martino loco Maioris Monasterii, ad usum scilicet fratrum ibidem universitatis Domino famulantium, alodum iuris mei situm in pago Vindocinensi, in villa quam Faverillas nominant, eo tenore, quatenus monachi prelibato loco deservientes, illum libere et quiete in perpetuum possideant, nemine resistente. Si quis autem, quod absit, ex heredibus sive pro heredibus meis, seu aliqua intromissa personna surgens, hanc donationem alodi quem, libera mente ac propria voluntate, de iure proprio in dominium Sancti Martini transfundo, manu sacrilege presumptionis inquietare temptaverit, non solum ad id quod concupierit non attingat, verum etiam nisi cito resipuerit, cum omnium episcoporum maximo, sese certamen inisse sentiat. Ut vero donationis huius cartula certiorem crederetur obtinere firmitatem, manu eam propria firmavi atque filio meo Ivolino corroborandam tradidi.
| S. eiusdem Salomonis. | S. Yvolini filii eius |
| S. Fulcherii fratris Salomonis. | S. Fulconis filii eius Salomonis. |
| S. Landrici generis Salomonis. |