Foulques, comte de Vendôme, visité à l’article de la mort par l’abbé Barthélemi, donne à Saint-Martin toutes les coutumes qu’il possédait sur la terre de Loiri et de Forgetis, savoir la vicairie, la commandise et le charroi.
Datierung: 1066
Nosse debetis, si qui eritis posteri nostri huius scilicet Maioris habitatores Monasterii Sancti Martini, Fulconem comitem Vindocinensem infirmatum ad mortem visitatum a domino abbate Bartholomeo apud Ferrariam, donnasse Sancto Martino et nobis, anno tertio sub regimine nobis agentibus iam dicti domni abbatis MLXVI ab incarnatione Domini, consuetudines omnes quas habebat in terra de Loiri et de Forgetis, vicariam scilicet et commendisiam et carreium et omnino omnes, si quas alias in villis supradictis habebat consuetudines. Huius rei testes: Ingelbaldus Brito – Hamelinus clericus – Harduinus prepositus – Hugo frater Teudelini – Guarinus frater eius. Annuit supradicte donationi uxor eiusdem comitis nomine Petronilla, et tunc apud Ferrariam, et post paucos dies apud Vindocinum, mox tumulato viro suo, supra ipsius tumulum. Huius rei testes: Albericus de Monte-aureo – Ingelbaldus Brito – Wlgrinus filius Ingelbaldi – Rainaldus cantor frater ipsius Petronille – Fulcherius de Turre – Matheus de Monte-aureo – Drogo frater eius – Tetbaldus filius Leterii