Roger, fils de Mainard d’Areines, à l’article de la mort, donne à Saint-Martin la part des alleux d’Areines et de la main-ferme de la Courbature qu’il possédait près du château de Vendôme avec son frère Adelelmus Boutefeu, et le quart du moulin de Ronzart sur la Housée; ces biens étant libres de toute redevance autre que six deniers de cens aux moines de Saint-Florent. Adelelmus obtient du chapitre la jouissance, sa vie durant, de la terre et du moulin, à condition qu’il les laissera à sa mort, à Saint-Martin, avec sa propre part. Quelques années après, Rainaud, fils de Roger, autorise la donation faite par son père pour deux chevaux que lui donnent les moines et son admission à leur association.
Datierung: 1037-1062
Notum sit successoribus nostris, quod Rotgerius, filius Mainardi de Arenis ad extrema perductus, dederit Sancto Martino, pro anima sua, partem alodiorum et manufirme quam cum Adelelmo fratre suo, Butafoco cognomine, habebat; et unum simul quarterium molendini in Uoseia siti quem vulgus Ronzart appellat. Qua de causa, cum a nobis sepulture mandaretur, predictus frater eius, qui eum huic Maiori Monasterio tumulandum deportari fecerat, domnum Guanilonem fratrem nostrum Buziaci tunc prepositum, vice omnium, de molendino et terra revestivit, designans eam, et liberam ac quietam tradens, sicut ipse fieri rogavit, quando ei moriens elemosinam suam commendavit. Est autem terra hec in pago Vindocinensi, castello contigua a parte orientali et in duobus per partes divisa locis, Curbatura et Arenis appellatis; manus-firma si quidem est apud Curbaturam; alodia vero haut longe apud Arenas, supra ripam Uosie, consistunt. Huius, igitur terre, que in his sive aliis ad eam pertinentibus adiacet locis, partem propriam prefatus vir, cum bosco et vinea que ad manum-firmam pertinet, pro anima sua, ut dictum est ita liberam obtulit, ut nichil redibitionnis ex ea solvatur cuiquam, nisi denarios IV census de manufirma monachis Sancti Florentii, que, postquam hoc modo, in ius Sancti Martini Adelelmo vice fratris defuncti, liberam eam sicut ipse tenuerat, tradente, devenit, peticione ipsius eundem Adelelmum a domno abbate Alberto, auctoritate capituli, tam terram quam et molendinum, hac ratione concessum est possidere, ut utrumque, in vita sua, tantummodo teneat et possideat; et post suum decessum absque contradictione aliqua, nemine suorum hereditante, Sancto Martino cum tota sua parte relinquat. Unde sunt testes, Benedictus Blanchardus, maior potestatis nostre Buziacensis, et prescriptus frater noster Gualo qui terram suscepit, necnon et Fulcranus presbyter de Mairiaco, qui cum ipsis pariter commandande elemosine Rotgerii et dono terre interfuit. Quod, postquam ita factum est et Adelelmus, conventione accepta, descriptam terram cum molendino iam per aliquot annos ex nostra auctoritate tenuisset, Rainaldo nepoti eius filio Rotgerii, ob patris donum auctorizandum, caballi duo et societas nostra a memorato abbate nostro, in capitulo, data est, ubi et auctorizamenti donum, ut moris est, fecit et donum patris sicut eum fecisse promissum est coram cunctis fratribus, libenter Sancto Martino bis auctorizavit, his videntibus et audientibus, qui testes producuntur veritatis. De priori auctoramento sunt hi: Herluinus homo eiusdem Rainaldi – Ebrulfus cellararius – Rotbertus sartor – Hilduinus sartor – Durandus risellus – Michael coquus. De secundo, isti: Ingelbaldus Brito – Odo decanus – Durandus vicarius Gaufredi comitis – Guillelmus de Capella – Raherius decanus – Archembaldus prepositus – Benedictus Blanchardus – Benedictus cellararius – Morinus Bothardus – Ascelinus monachus – Gualo monachus, qui secundum equum Rainaldo dedit, quando hoc secundo coram his testibus auctorizavit.