Le chevalier Rainard, pour son salut et celui de ses père et mère, donne à Marmoutier son bien de Monceau, près Lancè. Sa mère, qui avait eu ce bien en dot, reçoit des religieux six livres de deniers, Fulcois, fils de Rodulfe Marmion, touche huit sols pour les ventes, et Adraldus, frère de Rainard, donne son consentement pour une paire de chaussures écarlates, à condition que les moines paieront pour cette terre trois sols de cens au susdit Fulcois à la Saint-Martin d’hiver, huit deniers à Frodon le jour de Saint-Jean à la foire de Blois, et quatre à la Saint-Denis aux fils d’Alsende.
Datierung: 11. Jahrhundert
Notum sit omnibus Sancte Dei ecclesie fidelibus et precipue successoribus nostris, militem quendam Rainardum nomine, filium Odonis de Calmariaco, tam pro anime sue remedio, quam pro absolutione animarum patris et matris, dedisse Sancto Martino in loco Maioris Monasterii, ad usum videlicet fratrum ibidem omnipotenti Deo servientium, terram illam quam apud Moncellum et apud Lanciacum cultam et incultam habere videbatur, scilicet: terram arabilem, prata, vineas et aliquantulum silve. Mater autem eius, in cuius dotalicio haec terra consistebat, pro eo quod proprio filio, ad hoc donum faciendum, eandem terram in vita sua reliquit, libras VI accepit de denariis eiusdem Sancti Martini; Fulchosius vero, Rodulfi Marmionis filius, VIII inde solidos sibi de venditionibus recepit. Adraldus autem filius Ermengardis, frater eiusdem Rainardi, caligas etiam habuit vermiculas, annuende causa ipsius donationis. Ea vero ratione memoratus vir prefatam terram Sancto Martino monachisque suis contulit, quatinus ipsi in perpetuum eam libere ac quiete possiderent, tantummodo censum solventes tribus terminis in anno: festivitate scilicet Sancti Martini hiemali, III idus novembris, solidos III predicto Fulchosio; Rursus festivitate Sancti Johannis, IIII Kal. Septembris, foro videlicet Blesis, denarios VIIII Frodoni filio Archingerii; Item festivitate Sancti Dionisii, VII idus octobris, denariis IIII, filiis Alsendis. Quod si forte aliquis terminorum istorum, sive per oblivionem seu per negligentiam ministri Sancti Martini, preterierit, non reddito censu, salva donatione ista, census ipse legaliter emendetur. Nomina vero testium qui donationem istam fieri videntes et audientes affuerunt subternotare curavimus. S. Odonis Rufi. – S. Willelmi de Monte-aureo. – S. Drogonis filii Francherii. – S. Hugonis de Campaniaco. – S. Hubaldi maioris. – S. Engebaldi de Buziaco. – S. Drogonis presbyteri.