Frodon de Vendôme, pour le salut de son âme et de celle de tous les siens, donne à Saint-Martin un manse de terre à Ulmetum et trois arpents de bonne terre comprenant le labour d’une charrue, avec la vicairie et les coutumes, le tout chargé de dix-huit deniers de cens. Il y ajoute la moitié d’une autre terre d’une charrue, se réservant de disposer de l’autre moitié à sa mort. L’archidiacre Hugues, du fief de qui la terre dépendait, reçoit sept livres pour autoriser ces dons. – Le moine Hilduin achète des deux fils de Letgarde un arpent de pré dans le même endroit.
Datierung: Um 1210
Notum sit omnibus sancte Dei ecclesie fidelibus quendam de Vindocino Frodonem nomine, dedisse, pro anime sue remedio coniugisque proprie nec non et parentum suorum, Sancto Martino Maioris Monasterii atque senioribus Deo ibidem famulantibus, unam mansuram terre consistentem apud villam que apellatur Ulmetum, et ex altera parte in eadem villa III arpennos terre quam fertilis, quantum uni sufficit carruce, cum tota vicaria et omnibus consuetidunibus, solidam videlicet et quietam sicut eam eatenus tenuerat. Cuius tamen donationis terra scilicet mansura cum arpennis tribus annuatim in festivitate Sancti Martini estivali IIIIto videlicet Nonas Iulii, reddidit de censu denarios X et VIIII. Dedit iterum in eadem villa terram ad alteram karrucam memorato Sancto, sed ad medietatem quamdiu vixerit ipse, et si in morte sua placuerit ei ut totam dimittant Sancto Martino, bene se res habebit. Si quominus et magis filiis suis partem suam dimittere voluerit, eandem societatem quam cum patre habebat Maioris locus Monasterii, cum filiis habebit, ut scilicet ad medietatem terram excolant. Denique, Hugo archidiaconus in cuius fevo terra consistit, auctoritate sua utramque donationem, teste Burchardo de Quaresmolt, et Teduino de Maini, firmavit, cuius rei gratia VII libras accepit. Ceterum, quod in eadem terra supradicte ville, Hilduinus Sancti Martini monachus unum arpennum prati coemit de Gualterio ac Rainaldo Letgardis filiis, ideo emptionem ipsam in una eademque noticia, non inconvenienter esse scribendam curavimus. Cuius si quidem emptionis census qui trium est denariorum et oboli, die festivitatis Sancti Beati, VIImo idus Mai reddendus, instituitur; nomina autem testium qui causa videndi et audiendi ad hanc producti fuerunt emptionem subternotare studuimus.Benedictum videlicet maiorem – Hubertum hominem Sancti Martini – Andream et filium eius, Haldricum nomine.Nomina autem testium qui donationem suprascriptam prime terre, scilicet quam Frodo fecit Sancto Martino, fieri viderunt et audierunt, sunt hec:Rainaldus de Turre – Engelbaldus Brito – Avesgaldus prepositus – Andreas dives – Adelelmus, homo Sancti Martini – Vitalis et Benedictus, homines eiusdem Frodonis.