Le moine Germond ayant acheté pour VI livres de deniers d’une veuve Girberge trente arpents, en terre et vigne entre Courtiras et Villechatin, paye six sous le consentement de son frère, deux deniers celui de ses fils, et six sous huit deniers celui du prévôt Archembaud. Ce dernier, du fief de qui dépendait le bien, reçoit en outre cinq sous et une truie, et sa femme une brebis. Les comtes Geoffroy et Foulques dont Girberge était serve confirment cet acte, l’un pour un muid, l’autre pour un demi-muid de grain.
Datierung: Um 1050
Notum fieri volumus et presentibus et posteris nostris loci huius Sancti Martini Maioris Monasterii habitatoribus domnum Germundum quendam fratrem nostrum, a quadam femina Girberga nomine, Ulrici Burgondionis iam tunc forte defuncti uxore, XXXta agripennos emisisse, quorum trigesimus cum dimidia fere vigesimi noni parte uve ferens, reliquum vero aratri patiens. Territorium ubi hec terra est Vindocinense, locus inter villam que Curtiras vocatur et villam Cattinam situs, terra editior, et si illinc ubi ecclesia Sancti Medardi que in predicta villa que Curtiras dicitur sita est, steteris, ab aquilonali parte, utrunque enim adsitum pertinere dicitur. Que videlicet ecclesia, et ab eadem terra sagitte unius emissione, et a Castro Vindocino unum fere videtur miliarum distare: Hec terra ab omni prorsus redibitionis consuetudine sit extorris, tantum census illius, duo scilicet solidi et octo denarii, in festivitate Sancti Mauricii, que in automno celebratur, persolvatur quotannis. Terre quas circa se habet quibus et coniungitur per continuationem et disiungitur per iuris proprietatem cum ipsa nostra, ille vero diversorum sint hominum, sunt hec: ab oriente et a septentrione, terram habet Archembaldi prepositi; a meridie, terram Hamelini filii Gualterii; ab occidente terram Gauffredi Panis-ante-aquam cognominati. Precium ipsius libre IIIIor denariorum extiterunt. Hildebertus quidam, frater erat femine, cognomento Boguerellus ceperat calumniari, sed sex ei a nobis solidis datis, facte adquievit venditioni, cumsentientibus quoque duobus filiolis suis Mainardo et Herveo, quibus singulis singulos pro recognitione domni Germundi denarios dedit. Ipsius terre vendas sex solidos et VIII denarios Archembaldus prepositus recepit; cui etiam dedit domnus ipse Germundus V solidos pro auctoramento, quia ad fevum eius iam sepe dicta terra pertinebat, et porcam unam, uxori quoque sue Petronille ovem unam. Comites quoque quorum ancilla femina superius nominata erat, Gauffredus Andegavensium et Fulco Vindocinensium, prior, modium annone unum, alter vero tantumdem et dimidium pro auctoramento acceperunt. Sic supradicta terra, omnibus obstructis calumniis, in dominium nostrum, non iam suos commutatura dominos, concesit. Testes auctoramenti comitum sunt hii:
Durandus vicarius comitis Gauffredi – Salomon vicarius comitis Fulconis – Benedictus cellararius – Tescelinus subvicarius – Ingelbaldus Brito – Gauscelinus Buellus. Venditionis testes hii: Fulco comes – Archembaldus prepositus – Gauscelinus Buellus – Odo secretarius – Fulcherius de Turri – Guismandus famulus – Gualterius Canardus – Olbertus filius Siwini – Constantinus canonicus.