Thibaud, dont les moines avaient écartè déjà maintes revendications à prix d’argent, leur réclame une dîme dépendant de l’église de Naveil. Moyennant trente sous, ils obtiennent son désistement et la paisible possession de cette dîme et de tous les biens dépendant de cette église. La femme et les fils de Thibaud, ainsi qu’Hamelin, du fief duquel dépendait la dîme, reçoivent quelque argent pour consentir à cet accord. – Mais de nouvelles réclamations formées par Thibaud sont le sujet d’un procès porté à Vendôme. – Avant le jugement, le prieur obtient de lui, moyennant quarante sous, la confirmation des accords précédents. La femme et les enfants de Thibaud reçoivent cinq sous pour leur consentement.
Datierung: 1066-1075
Post multas calumnias quas nobis intulit Tetbaldus filius Leterii super quibusdam rebus de Navolio, cum putaremus illas retroactas calumnias multa iam sedasse pecunia, iterum cepit nobis calumniari quandam decimam quam similiter caluminatus fuerat Galterius cognominatus Diabolus, pertinentem ad ecclesiam de Navolio, et dicens quod quando auctorizavit nobis omnia ad eamdem ecclesiam pertinentia, hanc solam tamen decimam per se auctorizare non potuit, quod erat de fevo Hamelini de Lengiaco. De quo cum plures testes haberemus qui audierant et viderant illum sine alicuius rei exceptione auctorizasse nobis omnia ad predictam ecclesiam pertinentia ille tamen noluit cessare ab illa calumina donec donavimus ei XXXta solidos. Quibus datis, non solum hanc guerpivit calumniam, verum etiam quecumque ad ecclesiam de Navolio pertinent, de quibus vestituram habebamus eo die quo fecimus hanc concordiam cum illo, clamavit soluta et quieta ita ut ipse confiteretur multis audientibus, nichil ad eum ultra de illis omnibus pertinere. Concessit hoc uxor eius et filii et filie eius. Hamelinus etiam de Lengiaco de cuius fevo erat predicta decima concessit, et habuit inde decem solidos.
Huius testes inferius annotantur.
Guido comes Vindocinensis – Burcardus comes adhuc infantulus – Hilgodus de Caresmo – Wlgrinus – Gaufredus frater eius – Paganus – Gervasius – Matheus – Fulcherius de Turre – Hugo, frater Tetbaldi. De nostris: Gaufredus carpentarius – Gausbertus coquus – Landricus – Odo grossus – Haimericus carnifex – Gundracius – Burcardus.
Transacto autem non multo temporis spatio idem Tetbaldus res eidem ecclesie de Navolio pertinentes cum iniustis calumniis inquietare presumpsisset, ipsius quam prius auctorizaverat assertionis partem refellere cupiens partim vero concedens, inito inde placito apud Vindocinum cum Adelelmo priore nostro, tandem sine placito veritatis tenore convictus, quicquid prius firmaverat postea iterum corroboravit, huic cartule signum in modum crucis, ob sue auctoritatis rememorationem intitulans. In hac etiam concordia qua Adelelmus prior cum illo fecit, concessit nobis habere Raginaldum colibertum nostrum et sororem suam et omnem eorum fructum, quos prius calumniabatur, et omnes res tam mobiles quam immobiles quas Hilduinus de Sartrino, vivens possiderat. Preterea dimisit nobis omnes querelas et calumnias retrohabitas accipiens inde a predicto priore LXta solidos, concedente hoc uxore sua Helia que habuit inde V solidos, et filiis eius Arnulfo, Burchardo, Tetbaldo, Matheo Rotberto et filiabus eius Johanna et Agnete. Nec non et decimam quam iniuste se pervasisse recognovit, ad votum nobis satisfaciendo restituit, nullam de reliquo calumniam in rebus prefate ecclesie pertinentibus facturum se esse paciscens, et concordiam illam quam cum Odone priore fecerat sicuti superius annotate fuerat, quamvis non parum prius inde dissimulasset ratam fore concessit.
Hanc concordiam viderunt et audierunt: Comes Burchardus – Rotbertus de Monte Comitorio – Wlgrinus – Fulcradus de rua vassalorum – Henricus dapifer – Fulbertus Trossellus – Herbertus filius eius – Hilgodus miles – Guarinus filius Josmeri – David – Nihardus rufus – Rainerius canartius – Guillelmus armiger. De nostris: Ledaldus Godinus – Ebrardus famulus prioris – Durandus marescallus – Herfridus – Josmerus de Vindocino – Bernardus clericus – Radulfus – Rotbertus – Fulbertus telonarius Vindocinensis. De monachis: Odo – Gauffredus – Josbertus – Gaufredus – Alfredus – Albericus – Geraldus – Sigevertus.
Hec omnia suo firmavit auctoramento Hamelinus de Lengiacis vel de Monteaureo quod res de quibus actum est de suo erant casamento. Testibus, Hugone monacho priore celle de Lavarzino – Alfredo monacho signario – Grossino homine Hamelini – Odilario famulo de Lavarzino.