None
Datierung: 1056
In nomine Sanctae et Individuae Trinitatis, ego Henricus, gratia Dei Francorum rex, notum fieri volo onmibus meis fidelibus quod Gausbertus, clericus de Sancta Maura, per absolucionem Gauffridi Comitis, annuentibus Aremburge matre sua, Hugone fratre suo, Jachelina sorore sua, postulavit me ut concederem, pro remedio animae Willelmi fratris sui nuper defuncti, cuidam suo homini, nomine Ainardo, donum libertatis. Quod ita et feci, more regio, excusso scilicet de palmo denario, eo itaque tenore, ut pateant ei, ut libero, vite quadrati orbis. Et si quis contra hanc libertatem assurgere temptaverit, regi coactus, centum libras auri exsolvat, suaque reclamacio irrita in perpetuum maneat. Et ut firma et stabilis permeneat eam meo sigillo insignire feci.
Actum Turonis Xo IIIIo Kalendas februarii, anno incarnati verbi millesimo quinquagesimo sexto, regnique Henrici regis vigesimo sexto.
Ego Balduinus cancellarius relegendo subscripsi.