None
Datierung: 1032-1064
Successoribus nostris notum volumus fieri, Hugonem filium Teudonis et sororem ejus Hadvisam, alodia sua de Villariis vendidisse loco Sancti Martini Majoris Monasterii et loco Sancti Medardi, in territorio sito Vindocinensi, precio constante solidis XIIcim et de biberagio totidem denariis; annuente eorum matre...... et duabus Hadvise filiabus...... Quae, celebrata venditione, traditionem alodiorum ipsorum posuit idem Hugo super altare sancti Medardi, his qui aderant cernentibus cunctis, et reclamante nullo. De eadem quoque terra, impleto pugillo, revestivit Germundum Sancti Martini Majoris Monasterii monachum, qui regebat locum Sancti Medardi. Quorum omnis est ejusdem loci parechia testis, et nominatim isti: Amalgerius servus sancti Martini, Guarinus servus sancti Martini, Herveus, Germundus monachus.