„Charte de la donation faite à Bernard, abbé, et aux moines de Marmoutier, par Robert de Bellême, fils du comte Roger, de l‘église de Saint-Léonard dudit Bellême, en exemption de tous droits épiscopaux, suivant la fondation autorisée du Pape, à la prière de Guillaume, quatrisaïeul dudit Robert, - de l’introduction des moines de Marmoutiers en remplacement des chanoines qui y demeuroient depuis la fondation qui avait été faite en leur faveur, - de la donation de quelque espace de terrain pour se construire des logements, d’un verger, pour cimetière, d’autres terrains pour se faire des hôtelleries, des étables et granges et enfin d’un certain bourg de l’autre côté du château, auprès du grand étang.“ [Union de Saint-Léonard et de Saint-Martin]
Datierung: 1092
Notum sit omnibus posteris nostri Majoris scilicet Monasterii monachis quod Rotbertus de Belismo filius Rotgerii comitis et Mabilie donaverit monachis Sancti-Martini, ecclesiam Sancti Leonardi in Belismo sitam cum omnibus de quibus saisita erat, eo die quo eam dedit et deinceps acquisierit, pro anima sua et pro animabus antecessorum et sucessorum suorum, ita solutam et quietam ut nullus episcopus, nullus clericus, nullus laicus, nulla persona consuetudinem aliquam in ea requirere possit. Istam enim ecclesiam construxit Willelmus, attavus Rotberti, ita ab omni consuetudine liberam ut supra dictum est, misitque in ea canonicos qui regulariter et religiose Deo in ea deservirent: Qui nimis ordinem suum prevaricati sunt seculariter et inordinate contra canones vivendo. Et hoc passum est usque ad tempus Rotberti, qui providens ecclesie Sancti-Leonardi, placuit ei quod malum erat emendare. Tradiditque supradictam ecclesiam Bernardo, Abbati Majoris Monasterii et monachis ejus, Deo ibidem servientibus, ad cellam jure perpetuo possidendam. Dedit etiam eis, ad officinas suas faciendas, plateam que est inter ecclesiam sancti Leonardi et terrale turris, et viridarium, quod ibi est, ad cimiterium faciendum, Arraldo concedente, cujus erat ; et ad hospitalia facienda et stabulas et grangias dedit quamdam terram inter ecclesiam Sancti Leonardi et Sancti Petri sitam, et ex altera parte Castelli, juxta magnum stagnum, quemdam burgum jure perpetuo possidendum solutum et quietum. De omnibus his misit ipse Rotbertus donum in capitulum Sancti Martini Majoris-Monasterii per Rainaldum de Coleto et Richardum de Rochella. Per ipsos etiam misit domnus Abbas Bernardus, de eodem capitulo, Sancto-Leonardo donum de ecclesia Sancti-Martini Veteris-Belismi. Quod donum posuit Wilelmus monachus de Vivonio super altare Sancti Leonardi, jussu Bernardi Abbatis. Talisque convenientia est inter ipsum Rotbertum et abbatem et monachos Majoris Monasterii, quod eo vivente nichil inde ad Majus Monasterium deferetur, nisi licentia ipsius Rotberti. Post mortem autem illius, prior Sancti-Leonardi, singulis annis, decem libras denariorum, aut decem libratas, eo non indigente, si monachi Majoris Monasterii indiguerint ; sed et hoc nullo debito aut consuetudine requiretur.Si vero deinceps aliquis surrexerit qui nequitia sua aut injusticia Beato Martino quod dictum est auferre voluerit, quod absit, non habeat potestatem id faciendi. Quod vero, si diabolo instigante, acciderit, Majoris Monasterii monachi Veterem Belismum non perdant, quem prius habuerunt. Et si aliquis consentiri voluerit ut monachi Majoris Monasterii perdant, ex auctoritate Apostolica et omnium episcoporum, quorum auctoritate pretaxata ecclesia dedicata est, et ab omnibus consuetudinibus absoluta, sicut in aliis litteris continetur, anathemate perpetuo feriatur. Hoc vero noverint monachi Majoris Monasterii quos in castellum suum ad habitandum recepit, quia, de omnibus injuriis sibi factis, non vult Rotbertus ut aliam justiciam nisi suam requirant. Si enim facerent, postquam abbati et capitulo Majoris Monasterii monstraret, si non cessarent, quidquid eis donaverat perderent. Testes qui hoc viderunt et audierunt sunt isti : de monachis : Willelmus Cochia, Radulfus, Harduinus de Islo, Stephanus et Rainaldus, Wicherius decanus Cenomanensis. De famulis : Giraldus moccolus, Hubertus celerarius. Ex parte ipsius Rotberti : Gulferius de Villareto, Rainaldus de Coleto, Rainaldus de Non estante-Villa, Radulfus de Pratis, Radulfus Malaherba, Odo de Quincenno, Guido de Jailla, Rotbertus Carrellus. Hec omnia super scripta concesserunt et auctorizaverunt fratres ipsius Rotberti, Hugo, Rotgerius, Arnulfus. Cujus rei testes sunt : Gulferius de Villareto, Rainaldus de Coleto, Rainaldus de Non estante Villa, Odo de Poilleo, Guillelmus de Calce, Gauterius Quesnellus, Morinus de Merlai, Hugo Goscelini filius, Guillelmus de Belfai et Rotbertus frater ejus, Gausfridus Alisus, Guinebaldus de Baleone, Hugo Francus, Gaudinus (Carp...), Rainaldus Oiardus, Martinus Camerarius.Ego Hubertus, regis Philippi cancellarius scripsi et subscripsi.
Signum † Regis Philippi. Signum Guidonis dapiferi. Signum Milonis buticularii. Signum Pontii Huberti camerarii. Signum Gridlonis constubularii. Signum Simonis de Nielpha. Signum Ivonis Carnotensis episcopi. Signum Fulconis Belvacensis episcopi. | † Huberti. Signum Roberti capellani. † Signum Rotberti de Belismo. Signum Huberti cancellarii. |
Actum quando rex obsideret castrum quod dicitur (Breherval?) anno ab incarnatione Domini Mo Nonagesimo IIo. Signum Huberti cancellarii.