„Notice par laquelle Robert, évêque de Sées, reconnoit l’indépendance de l’église de Saint-Martin de Bellême et renonce d’y rien prétendre, moyennant une livre d’encens de rente à son église, et une livre de poivre à son évêché, le jour des SS. Gervais et Protais.“ [Prieuré de Saint-Martin-du-Vieux-Bellême]
Datierung: Vers 1074
In nomine Sancte et Individue Trinitatis. Notum sit omnibus tam posteris quam presentibus quod Rotbertus Sagiensis ecclesie episcopus aecclesiam Sancti Martini, que in territorio Bellismi sita est, omni redditu qui ad episcopatus censum pertinet liberam absolutamque fecit, tali scilicet tenore ut, per singulos annos, in una solemnitate sanctorum Gervasii et Protasii, libram turis Sagiensi ecclesie rependat et in usibus episcopi libram resolvat piperis. Hujus cartule testes et autores sunt canonici ecclesie : Bauduinus et Normannus archidiaconi, Rotbertus, Ricardus, Hugo, Raginaudus, Hugo scolasticus, alius Rotbertus, Rotgerius, Godefridus, Gausfridus capellanus. Hanc cartam fecerunt canonice firmari a predicto Rotberto episcopo monachi Wilelmus frater Wilelmi Pagani, Beringerius, Herchenbaldus cum famulis suis Warino Guillelmo filio ejus, Gauffrido, Ernaudo, Auberto. Quicumque eam violare presumpserit anathema sit.