Logo: Universität Hamburg
Logo: Formulae, Litterae, Chartae
Logo: Akademie der Wissenschaften in Hamburg
Weitere Texte - Formeln - Lexikon - Urkunden und Briefe
- Formeln - Lexikon - Urkunden und Briefe
- Nr. 1 - Nr. 2 - Nr. 3 - Nr. 4 - Nr. 5 - Nr. 6 - Nr. 7 - Nr. 8 - Nr. 9 - Nr. 10 - Nr. 11 - Nr. 12 - Nr. 13 - Nr. 14 - Nr. 15 - Nr. 16 - Nr. 17 - Nr. 18 - Nr. 19 - Nr. 20 - Nr. 21 - Nr. 22 - Nr. 23 - Nr. 24 - Nr. 25 - Nr. 26 - Nr. 27 - Nr. 28 - Nr. 29 - Nr. 30 - Nr. 31 - Nr. 32 - Nr. 33 - Nr. 34 - Nr. 35 - Nr. 36 - Nr. 37 - Nr. 38 - Nr. 39 - Nr. 40 - Nr. 41 - Nr. 42 - Nr. 43 - Nr. 44 - Nr. 45

Cartulaire de Marmoutier pour le Dunois, Cartularium Dunense Maioris Monasterii Nr. 46

- Nr. 47 - Nr. 48 - Nr. 49 - Nr. 50 - Nr. 51 - Nr. 52 - Nr. 53 - Nr. 54 - Nr. 55 - Nr. 56 - Nr. 57 - Nr. 58 - Nr. 59 - Nr. 60 - Nr. 61 - Nr. 62 - Nr. 63 - Nr. 64 - Nr. 65 - Nr. 66 - Nr. 67 - Nr. 68 - Nr. 69 - Nr. 70 - Nr. 71 - Nr. 72 - Nr. 73 - Nr. 74 - Nr. 75 - Nr. 76a - Nr. 76b - Nr. 77 - Nr. 78 - Nr. 79 - Nr. 80 - Nr. 81 - Nr. 82 - Nr. 83 - Nr. 84 - Nr. 85 - Nr. 86 - Nr. 87 - Nr. 88 - Nr. 89 - Nr. 90 - Nr. 91 - Nr. 92 - Nr. 93 - Nr. 94 - Nr. 95

None
Datierung: 1079

De excambitione cuiusdam terrae de Veteri Vico et de loco molendini quem donavit Herveus de Asciaco.

Noverint nostri presentes et posteri quod frater noster nomine Herbertus, obedientiae de Veteri Vico praepositus, emit terram sitam ante ecclesiam eiusdem Veteris Vici, totam scilicet quantam est in ipsam ecclesiam, et aquam nomine Verlenam, et concesserunt tunc ipsam emptionem omnes qui concedere debebant. Postea habuerunt inter se guerram tam de illa quam de aliis pluribus terris, propter uxores suas, Herveus de Asciaco et Rainaldus de Spieriis. Sed cum Guanilo de Montiniaco guerpisset totum fevum de Verlena Guillelmo Goieto, et Guillelmus Herveo de Asciaco, concedente etiam Rainaldo de Spieriis, venit ad eundem Herveum Fulco, noster monachus, obedientiae tunc supradictae prepositus, et praedictam terram nos habere petiit quietam. Qui respondit quidem illam non se posse ad presens acquietare ab his qui eam se de ipso tenere dicebant, sed dedit nobis escambium de sua eiusdem loci terram, videlicet terram Curtesii de Pirario et clausum Gausberti, et quantumcumque habebat in eo loco dominii; tali pacto ut si quando vel ipse, vel nos, tales habuerimus illos, qui terram illam obtinent, ut pro ea excambium ipsum accipiant, nos illam recipiamus et habeamus deinceps quietam. Sin autem ipsum perpetuo teneamus excambium in aula de Braio, presente et concedente Guillelmo Goieto, atque Eustachia coniuge sua, ac filiis Guillelmo et Hugone. Fecit hoc Herveus pro animabus antecessorum suorum, quorum illa terra fuit et pro coniugis suae ex cuius parte eam habuit. Pro qua etiam, quia defuncta erat, monachi nostri de Sancto Ylario sepelierant, donavit nobis in terra sua, locum ad transferendum illuc quendam molendinum nostrum, donans pariter ipsius molendini bedum totum. Quod concedere fecit Gervasium Avisardum, hominem suum, quantum vadit bedus per terram ipsius. Testes horum quae dicta sunt: Guillelmus Goietus, Rotbertus Aculeus, Gualterius Oculus Canis, Gaufredus de Sumboum, Radulfus, filius Hungerii et Gaufredus, filius eius. Hubertus de Quinque Casis et Gaufredus filius eius, Gaufredus de Verlena, Guarnerius Avisardus, Gaufredus, filius Alberici, monachus, Fulco monachus. Actum anno ab incarnatione Domini M LXX VIIII, praesidente nobis domno abbate Bartholomeo anno XVI.