Logo: Universität Hamburg
Logo: Formulae, Litterae, Chartae
Logo: Akademie der Wissenschaften in Hamburg
Weitere Texte - Formeln - Lexikon - Urkunden und Briefe
- Formeln - Lexikon - Urkunden und Briefe
- Nr. 1 - Nr. 2 - Nr. 3 - Nr. 4 - Nr. 5 - Nr. 6 - Nr. 7 - Nr. 8 - Nr. 9 - Nr. 10 - Nr. 11 - Nr. 12 - Nr. 13 - Nr. 14 - Nr. 15 - Nr. 16 - Nr. 17 - Nr. 18 - Nr. 19 - Nr. 20

Cartulaire de Marmoutier pour le Dunois, Cartularium Dunense Maioris Monasterii Nr. 21

- Nr. 22 - Nr. 23 - Nr. 24 - Nr. 25 - Nr. 26 - Nr. 27 - Nr. 28 - Nr. 29 - Nr. 30 - Nr. 31 - Nr. 32 - Nr. 33 - Nr. 34 - Nr. 35 - Nr. 36 - Nr. 37 - Nr. 38 - Nr. 39 - Nr. 40 - Nr. 41 - Nr. 42 - Nr. 43 - Nr. 44 - Nr. 45 - Nr. 46 - Nr. 47 - Nr. 48 - Nr. 49 - Nr. 50 - Nr. 51 - Nr. 52 - Nr. 53 - Nr. 54 - Nr. 55 - Nr. 56 - Nr. 57 - Nr. 58 - Nr. 59 - Nr. 60 - Nr. 61 - Nr. 62 - Nr. 63 - Nr. 64 - Nr. 65 - Nr. 66 - Nr. 67 - Nr. 68 - Nr. 69 - Nr. 70 - Nr. 71 - Nr. 72 - Nr. 73 - Nr. 74 - Nr. 75 - Nr. 76a - Nr. 76b - Nr. 77 - Nr. 78 - Nr. 79 - Nr. 80 - Nr. 81 - Nr. 82 - Nr. 83 - Nr. 84 - Nr. 85 - Nr. 86 - Nr. 87 - Nr. 88 - Nr. 89 - Nr. 90 - Nr. 91 - Nr. 92 - Nr. 93 - Nr. 94 - Nr. 95

None
Datierung: 1038 à 1040

Notitia de alodio Mortuae Aquae a Gelduino dato.

Quisquis amore divinae retributionis accensus post saeculi huius laborem aeterna quiete desiderat consolari, necessarium est ei ut, dum valet per praesentis vitae tempus ad peccatorum redemptionem indultum, fideli studio gratia Dei cooperante provehi ad sanctae operationis incrementa contendat quatinus quicquid aut iniquae vitae fastu, aut inertia contraxit imbecillitatis humanae, et piae conversationis operibus et sanctorum precibus abluatur. Unde ego Gelduinus, seculari militiae deditus, reminiscens meorum multitudinem peccatorum et iudicii diem admodum expavescens, concedo Deo et Sancto Martino Maioris Monasterii, aliquid de rebus meis, quod michi a quodam propinquo meo nomine Fulcherio dimissum est, unum videlicet alodem in territorio Dunensi, iuxta Campum Martis situm, in loco qui antiquitus Martis Aqua, novitatis depravatione appellatur Mortua Aqua, cum pratis, vineis, terris cultis et incultis, servis et ancilis, qui in potestate eiusdem loci commorantur, vel ad eius potestatem pertinentes, ubicunque inventi fuerint, excepto uno nomine Ansberto. Hoc autem facio pro redemptione animae meae seniorisque mei Odonis, videlicet comitis, ac coniugis meae nomine Emelinae, filiorumque meorum Evrardi, Arduini, Hugonis episcopi, Gelduini et Fulcherii Carnotensis propinqui mei, cui hereditario iure in praefato alode successi. Sed ut haec elemosina, quam sicut predixi in loco Maioris Monasterii facere disposui, certiorem habeat firmitatem, dedit michi domnus Albertus abbas, qui tunc temporis monasterio praeerat, et fratres eiusdem loci IIII. libras cocti auri centum librarum denariorum precii, concilio ac iussione Ermengardis comitissae, supradicti domini mei uxoris. Volo ergo atque precipio ut si aliquis de heredibus meis, aut per se aut per intromissam personam, contra hanc donationem, quam libera mente et propria voluntate facio, aliquam calumniam monachis post meum decessum inferre voluerit, centum cocti auri libras exolvat et quod petit non vindicet, sed donatio firma permaneat. Et ut calumniandae traditionis huius omnis auferretur occasio, ego Gelduinus scriptum hoc in curiam dominorum meorum obtuli et dominae meae manibus, seniorumque meorum Tetbaldi comitis atque Stephani, corroborandum tradidi, his videntibus et audientibus, quorum nomina pro testimonio inferius habentur inscripta. S. Tetbaldi comitis. S. Stephani comitis. S. Ermengardis comitissae, matris eorum. S. Gelduini vicecomitis. S. Harduini vicecomitis, filii ejus. S. Ebrardi, fratris eius. S. Gualerandi, fratris eius. S. Guarnerii, capellani Gelduini. S. Rotberti de Villa Pari vel de Sancto Leodegario. S. Hervei vicecomitis. S. Hugonis de Capis. S. Albuini, canonici Sanctae Mariae. S. Dadonis de Sancto Aniano. S. Dadonis filii eius. S. Archembaldi. S. Teoderici.