Logo: Universität Hamburg
Logo: Formulae, Litterae, Chartae
Logo: Akademie der Wissenschaften in Hamburg
Weitere Texte - Formeln - Lexikon - Gelehrtenverzeichnis - Urkunden und Briefe
- Formeln - Lexikon - Gelehrtenverzeichnis - Urkunden und Briefe
- Nr. 96 - Nr. 97 - Nr. 98 - Nr. 99 - Nr. 100 - Nr. 101 - Nr. 102 - Nr. 103 - Nr. 104 - Nr. 105 - Nr. 106 - Nr. 107 - Nr. 108 - Nr. 109 - Nr. 110 - Nr. 111 - Nr. 112 - Nr. 113 - Nr. 114 - Nr. 115 - Nr. 116 - Nr. 117 - Nr. 118 - Nr. 119 - Nr. 120 - Nr. 121 - Nr. 122 - Nr. 123 - Nr. 124 - Nr. 125 - Nr. 126 - Nr. 127 - Nr. 128 - Nr. 129 - Nr. 130 - Nr. 131 - Nr. 132 - Nr. 133 - Nr. 134 - Nr. 135 - Nr. 136 - Nr. 137 - Nr. 138 - Nr. 139 - Nr. 140 - Nr. 141 - Nr. 142 - Nr. 143 - Nr. 144 - Nr. 145 - Nr. 146 - Nr. 147 - Nr. 148 - Nr. 149 - Nr. 150 - Nr. 151 - Nr. 152 - Nr. 153 - Nr. 154 - Nr. 155 - Nr. 156 - Nr. 157 - Nr. 158 - Nr. 159 - Nr. 160 - Nr. 161 - Nr. 162 - Nr. 163 - Nr. 164 - Nr. 165 - Nr. 166 - Nr. 167 - Nr. 168 - Nr. 169 - Nr. 170 - Nr. 171 - Nr. 172 - Nr. 173 - Nr. 174 - Nr. 175 - Nr. 176 - Nr. 177 - Nr. 178 - Nr. 179 - Nr. 180 - Nr. 181 - Nr. 182 - Nr. 183 - Nr. 184 - Nr. 185 - Nr. 186 - Nr. 187 - Nr. 188 - Nr. 189 - Nr. 190 - Nr. 191 - Nr. 192 - Nr. 193 - Nr. 194 - Nr. 195 - Nr. 196 - Nr. 197 - Nr. 198 - Nr. 199 - Nr. 200 - Nr. 201 - Nr. 202 - Nr. 203 - Nr. 204 - Nr. 205 - Nr. 206 - Nr. 207 - Nr. 208 - Nr. 209 - Nr. 210 - Nr. 211 - Nr. 212 - Nr. 213 - Nr. 214 - Nr. 215 - Nr. 216 - Nr. 217 - Nr. 218 - Nr. 219 - Nr. 220 - Nr. 221 - Nr. 222 - Nr. 223 - Nr. 224 - Nr. 225 - Nr. 226 - Nr. 227 - Nr. 228 - Nr. 229 - Nr. 230 - Nr. 231 - Nr. 232 - Nr. 233 - Nr. 234 - Nr. 235 - Nr. 236 - Nr. 237 - Nr. 238

Cartulaire de Marmoutier pour le Dunois, Cartae Prioratum Dunensium Maioris Monasterii Nr. 239

- Nr. 240 - Nr. 241 - Nr. 242 - Nr. 243 - Nr. 244 - Nr. 245 - Nr. 246 - Nr. 247 - Nr. 248 - Nr. 249 - Nr. 250 - Nr. 251 - Nr. 252 - Nr. 253 - Nr. 254 - Nr. 255 - Nr. 256 - Nr. 257 - Nr. 258 - Nr. 259 - Nr. 260 - Nr. 261 - Nr. 262 - Nr. 263 - Nr. 264 - Nr. 265 - Nr. 266 - Nr. 267 - Nr. 268 - Nr. 269 - Nr. 270 - Nr. 271 - Nr. 272 - Nr. 273 - Nr. 274 - Nr. 275 - Nr. 276 - Nr. 278 - Nr. 279 - Nr. 280 - Nr. 283

None
Datierung: 1224, 1225 und 1227

Confirmatio de rebus et iusticia de Pusiaco a Johanne comite Carnotensi et Isabella comitissa facta.

Nos Johannes comes Carnotensis et Isabella eius uxor comitissa Carnotensis universis presentes litteras inspecturis notum facimus, quod nos cartas Simonis Rupis Fortis et Pusiaci domini et Petri de Bullou inspeximus sub hac forma: Ego Simon, dominus Rupis Fortis et Pusiaci, notum facio universis presentes litteras inspecturis, quod ego pro salute anime mee et animarum patris mei, matris mee, necnon antecessorum et successorum meorum, dedi, concessi et in perpetuum quitavi in puram et perpetuam elemosinam, Deo et monachis Maioris Monasterii et prioratui ipsorum de Vilael, procurationem quandam, quam habebam et percipiebam singulis annis in dicto prioratu de Vilael. Dedi insuper et concessi et in perpetuum quitavi Deo et monachis supradictis, in puram et perpetuam elemosinam, totam maiorem iusticiam, scilicet sanguinem, bustum, multrum, raptum, incisum et duellum et omnia alia ad maiorem iusticiam pertinentia, quae habebam vel me habere dicebam in villa vel in territorio de Vilael ad prioratum monachorum Maioris Monasterii pertinente. Ita quidem quod nec ego nec heredes nostri in supradictis omnibus aliquid iuris vel dominii reclamare possumus, sed omnia supradicta plenarie, integre, pacifice et quiete Deo et monachis Maioris Monasterii perpetuo remanebunt, et generaliter totum ius vel dominium quod habebam vel me habere dicebam vel habere poteram ego et heredes nostri in prioratu et in villa de Vilael et in territorio ad eumdem prioratum pertinente et in procuratione predicta, quam habebam tam a monachis eiusdem prioratus quam ab hominibus eiusdem villae et etiam in tota maiori iusticia quitam et in perpetuum concessi Deo et ecclesie Maioris Monasterii; et ut hoc perpetue robur obtineat firmitates presentes litteras sigilli nostri munimine roboravi. Actum anno graciae Mo CCo vigesimo quinto, mense iunio.

Ego Simon, dominus Rupis Fortis et Pusiaci, notum facio omnibus presentes litteras inspecturis, quod ego pro salute animae meae et animarum patris mei et matris meae necnon predecessorum successorumque meorum, dedi, concessi, quitavi Deo et ecclesiae Maioris Monasterii et monachis ibidem Deo servientibus, in puram et perpetuam elemosinam, totum ius et dominium quod habebam vel me habere dicebam vel etiam habere poteram in nemore Beati Martini de Nantumvilla, sive in calfagio, sive etiam in guarenna, ita quidem quod abbas et monachi Maioris Monasterii totum nemus predictum pro voluntate sua possint vendere aut donare et de eo ad voluntatem suam facere. Volo insuper et concedo ut abbas et monachi Maioris Monasterii plenarie et integre, pacifice et quiete teneant et possideant in perpetuum quicquid habent in parrochia de Nantumvilla, in terris, aquis, piscaturis, molendinis, nemoribus et hominibus, ita quod nec ego nec heredes nostri aliquid iuris vel dominii ibi petere aut reclamare possimus et generaliter quitto, et in elemosinam concedo, Deo et monachis Maioris Monasterii, totum ius et dominium, quod habebam vel me habere dicebam vel etiam habere poteram, in prioratu de Nantumvilla sive extra. Volo etiam et concedo ut omnia supradicta nulla mihi vel heredibus meis recentione facta in ipsorum abbatis et conventus Maioris Monasterii permaneant libera potestate et ad maiorem fidei firmitatem presentes litteras sigilli nostri munimine roboravi. Actum anno Verbi incarnati M CC XXV, mense iulio.

Ego Petrus de Bullou omnibus tam presentibus quam futuris has presentes litteras inspecturis notum facio, quod Joudoinus Trosselli, laudante et concedente uxore sua Adelicia, pro remedio anime sue et antecessorum suorum abbati et conventui Maioris Monasterii, quicquid iuris habebat in aquis et molendino de Nantumvilla et in aquis de Chambun et in omnibus eorumdem pertinentiis sibi et monachis Maioris Monasterii communibus, in puram et perpetuam elemosinam contulit et concessit libere. Hanc vero donationem ob favorem elemosine, tanquam dominus feodi laudantibus et concedentibus fratribus meis Colino et Gaufrido et sororibus meis Amelina et Dionysia, dictis monachis, contra omnes manucepi firmiter garantire et indempnes omnibus rebus nostris in contraplegiis penitus conservare. In cuius rei robur et munimen ad petitionem partium abbati et conventui Maioris Monasterii litteras meas dedi sigilli mei munimine roboratas. Actum anno Domini Mo CCo XXo quarto, mense novembri.

Nos vero pro salute animarum nostrarum, antecessorum et successorum nostrorum, predictas elemosinas prout in singulis articulis a suprascriptis cartis continentur, tanquam domini feodi laudamus, approbamus, et confirmamus. Verum tamen quia in quadam suprascriptarum cartarum quae medio loco posita est, illa duo verba sive extra in quadam clausula obscure posita est et confuse, ad declarationem eorumdem ita restringimus illa verba, quod nos per ea non intelligimus confirmare dictis monachis extra parrochiam Nantumvillae, nisi tres hospites villanos tantum pertinentes ad prioratum de Nantumvilla, manentes apud Vilers Sancti Orgentii cum hostisiis eorumdem et pertinentiis hostisiarum; item non intendimus per presentem confirmationem super elemosina facta a dicto Simone dictis monachis in carta primo loco posita confirmare eisdem nec eorum prioratui de Vilael aliquid extra metas parrochiae de Vilael. In cuius rei testimonium et robur presentes litteras sigillorum nostrorum munimine roboravimus. Actum anno gratiae Mo CCo vigesimo septimo, mense septembri.