None
Datierung: 1177
Prona sunt in malum studia presentis etatis adeo ut verbis fides et pactis credulitas viae sit adhibenba. Idcirco ego Herveus Maioris Monasterii dictus abbas et ego Raherius Montiniaci dominus presentis cyrographi annotatione posterorum notitie patefacimus mutuationem quandam vinearum in Montiniaco a nobis factam, earum videlicet que castro Montiniaci de iure Beati Martini Maioris Monasterii contigue erant, et ad incrementum predicti castri idonee, ab utraque parte vie cymiterii arpennum et dimidium habentes, et earum que de iure domini Montiniaci prope domum monachorum idem castrum inhabitantium sunt, et ipse duo arpenna habentes, favente Odone ad quem hereditas Montiniacensis, interveniente matrimonio pertinebat, ita quod ille que prope castrum sunt in ius et proprietatem domini Montiniaci, et ille que prope domum monachorum sunt in ius et proprietatem Maioris Monasterii libere et quiete deinceps haberentur. Quod ut ratum in perpetuum fieret et per alicuius maliciam non posset in posterum aliquatenus infringi, presentem cartulam sub cyrographo sigillis propriis, ad modernorum cautionem, munivimus, et eorum nomina qui interfuerunt fecimus annotari. Ex parte abbatis: Durandus monachus, Garinus monachus, Eudo tunc prior Chamarcii, Aucherius tunc prior Montiniaci, Andreas monachus socius eius, Ivo cubicularius abbatis, Andreas Malduit coquus abbatis, Petrus de Bevron, Lambertus Torcha, Gervasius de Castro Celso, Haymo Bigotus, Brisart et Radulfus famuli pedites et alii multi. Ex parte domini Raherii, Odo filius eius qui mutuationem predictam laudavit, Adam de Cloya, Guillelmus de Sancto Egidio et Robertus de Sancto Salvatore, clerici abbatis et presbiteri eiusdem Castri, Gaufredus de Cloya, Bigotus prepositus et plures alii quos enumerare longuus est.