Raignaud, évêque de Chartres, confirme le don fait par Ursion de Fréteval, de sa dime hebdomadaire dans tous ses moulins (excepté toutefois les droits de juindrage), dans ses fours et ses pressoirs à Fréteval.
Datierung: 1186
Raginaudus, Dei gratia Carnotensis electus, omnibus, ad quos littere iste peruenerint, in Domino salutem. Nouerit uniuersitas uestra, quod uir nobilis Vrsio de Fractaualle, monachis maioris monasterii apud Fractamuallem commorantibus, decimam septimanam omnium molendinorum suorum, quam de elemosina antecessorum ipsius quiete et pacifice possidebant, pro remedio anime sue, benigne et liberaliter in presentia nostra concessit, tantumque predictam septimanam eis faciet ualere, quantum vnaqueque septimanarum suarum sibi poterit ualere, datis molendinis ad certam modiationem, saluo tamem jvndfagio suo, quod in molendinis habere dignoscitur. Si uero ipsum in manu sua molendinos tenere contigerit, molendinarii ipsius predictis monachis fide interposita assecurabunt, quod de decima septimana, quam in omnibus molendinis habent, tantum eisdem reddent, quantum memorato Vrsioni, de unaquaque septimanarum suarum reddere tenebuntur. Preterea concessit eis quod in decima septimana, quam habent idem monachi in furnis Fracteuallis, furnos absque aliqua consuetudine a furneriis suis, pro eis tanquam pro se, faciet calefieri. Torcular etiam ad propria monachorum uina premenda, infra ambitum domorum suarum, eis habendum concessit, et absque ulla exactione uel consuetudine perpetuo possidendum, saluo tamen jure cuiusdam seruientis sui, quod in eo, sicut in ceteris ville torcularibus, libere et quiete possidebit. Concessit autem memoratus Vrsio nobis firmiter, quod donum istud ab vxore sua, et filiis et filiabus suis, faciet concedi et inuiolabiliter obseruari, et sigilli sui impressione et scripti munimine confirmari. Nos uero ad peticionem prefati Vrsionis, nec non et monachorum maioris monasterii, presentem paginam fecimus annotari, et sigilli nostri impressione communiri. Actum in presentia nostra Carnoti, anno gratie Mo Co LXXXo VIo, assistentibus nobiscum quorum nomina scripta sunt: Bartholomeo dunensi archidiacono, Adam de Montemirabili, Crispino droensi, Gauterio de Boeleto, Hugone archidiacono, Girardo clerico, Gauterio priore Fracteuallis, Willelmo preposito sancti Martini de Ualle, Hugone de Pinu, et pluribus aliis. Datum XVo kalendas maii.