Geoffroy Fournier, donne plusieurs dimes à Marmoutier
Datierung: 1186
R., Dei gratia Carnotensis episcopus, omnibus ad quoscumque littere iste peruenerint, in Domino salutem. Nouerit uniuersitas uestra, quod Gaufridus furnerius, in presentia nostra constitutus, decimam suam de Osca et de Marco, de assensu et conscientia Hamelini terner, ad cuius feodum et dominium eadem decima attinebat, ecclesie maioris monasterii dedit, et perpetuo possidendam quiete concessit; Odelina uxore eius, et Nicholao filio eius, et Rotberto filio ipsius, Beatrice et Johanna, Ermensendi sorore predicti Gaufridi furnerii, et Herberto filio Ermensendis, et Odelina sorore eiusdem Gaufridi, et Guillelmo filio Odeline, et Ascelina, et Agnete, et Aales, filiabus ipsius Odeline, id ipsum laudantibus et concedentibus. Quod ut ratum firmumque permaneat, tam scripti quam sigilli nostri auctoritate fecimus communiri. Data anno gratie Mo Co LXXX VI, XVIII kal. ianuarii. Huic donationi presentes interfuerunt: Buccardus carnotensis cancellarius, Goslenus vindocinensis archidiaconus, magister Petrus drocensis archidiaconus, Gaufridus de Uilla pereor, Raginaldus de Maneis, Odo maleserbes, Petrus giler, Gualerandus de Sancto Britio, Girardus de Gauril, Raherius de la Codreie, Antelmus panetarius, Buccardus prior Morearum et alii multi.