Le pape Eugène III confirme à l´abbaye de Marmoutier la possession des églises de Crucheray, Nourray et Saint-Léonard de Chemillé.
Datierung: 1145-1153
Eugenius episcopus, seruus servorum Dei, dilectis filiis G. abbati majoris monasterii ejusque fratribus, salutem et apostolicam benedictionem. Oportet nos, ex apostolicae sedis administratione, pro ecclesiarum statu satagere, et earum quieti et utilitati salubriter, auxiliante Domino, prouidere. Proinde, dilecti in Domino filii, vestris justis postulationibus gratum impertientes assensum, ecclesiam de Cuschereio et ecclesiam de Nucario, quemadmodum a venerabili fratre nostro Gaufredo, Carnotensi episcopo, vobis rationabiliter concessae sunt, propterea quidquid habetis in ecclesia S. Leonardi de Chamiliaco, sicut per concessionem episcoporum, et confirmationem venerabilis fratris nostri Brunonis, bonae memoriae signiensis episcopi, tunc apostolicae sedis legati, rationabiliter habetis et possidetis, auctoritate vobis apostolica confirmamus, et rata manere decernimus. Et quoniam praefata ecclesia B. Leonardi, in parochia vestra sita est, et sub censu vobis annualiter persolvendo, in vestra subjectione consistit, prohibemus ut consecrationem et benedictionem aliquam, baptisterium sive cimiterium, absque assensu vestro, nullus facere in ea presumat. In praefatis vero ecclesiis de Cuscherio et Nucario, juxta rationabilem et antiquam consuetudinem, quam in aliis vestris ecclesiis habetis, sacerdotum ordinationem vobis facere liceat. Datum Lateranis IIII nonas januarii.