Ursion de Fréteval donne à Marmoutier tout le cours du Loir depuis Villeprovert jusqu’aux moulins neufs, et met cette possession sous sa sauvegarde, et celle de ses fils et de ses successeurs. Ce don fut fait d’abord à Fréteval, et ensuite à Marmoutier par la remise d’un bâton entre les mains du prieur et sur l´autel.
Datierung: 1139
Pateat et ratum sit uniuersis, presentibus pariter et secuturis, quod ego Vrsio, dominus Fracteuallis, pro redemptione anime mee, et pro animabus omnium antecessorum, successorumque meorum, Deo et beato Martino, et monachis maioris monasterij, in elemosinam dedi atque concessi, quod in tota aqua fluminis Ledi, a Uilla presbiteri usque ad molendinos meos, qui noui dicuntur, nec a me, nec ab aliquo heredum meorum siue quolibet alio, molendini nec sclusa constituentur, nec aliud quicquam quod molendinis monachorum noceat edificabitur. Quod si aliquis contra hanc concessionem meam agere conatus fuerit, et infra suprascriptos aque terminos, molendinos aut sclusam, uel aliud quod molendinis noceat, edificare temptauerit, ego quamdiu uixero, et post me filij mei, uel quicumque fuerit dominus Fracteuallis, conatus eius irritos faciemus, et monachis aduocati ac defensores erimus, et ab omnibus omnino hominibus, aquam illis iamdictam adquietabimus. Burgum etiam nouum subtus calciatam [Et domus calciate que est] secus molendinum de stagno, quod [quae] licet iniuste calumniatus fueram, benigne et gratanter edificari concessi, [ita tamen domus illas edificari concessi, ut aque stagni nichil noceant] omnesque disceptationes et controuersias, que super eo inter me et Gaufredum leporem, tunc panetarium extiterant, in pace dimisi. Feci autem autem concessionem hanc primitus apud Fractamuallem, concedentibus filiis meis Niuelone, Hamelino, Philipp0, Fulcherio, Rainaldo, et sororibus eorum Hersende et Comitissa, et vxore primogeniti filij mei nomine Agatha, et Hilgodo piel atque Pagano filio eius. Multitudinis autem, que ex utraque parte affuit, quorumdam ad testimonium uolumus nomina subnotari. Ex parte mea: Herbertus presbiter, Paganus de Froauilla, Robertus filius eius, Harduinus de Chantosmo, Fulcoius de Pataio, Radulfus prepositus. Hopinus, Hubertus de Feritate, Durandus lepus, Morellus, Hosbertus carpentarius, Johannes cementarius, Odo cementarius, Rochedus cocus. Ex parte monachorum: Gaufredus lepus panetarius, Hugo de Toreneio prior Moreiarum, Guillelmus prior Fracteuallis, Andreas monachus, Popardus maior, Heimericus filiaster eius, Gaufredus et Hilduinus filij eius, Paganus famulus panetarij, Robertus filius Barboti cellerarii Moreiarum, Harmerus, Lambertus de Lastallo, Ascelinus corbel, Fulcaudus de Moreis, Radulfus filius Guillelmi, Vitalis de Landa, et plures alij Euoluto postea parui temporis interuallo, cum supradicto Gaufredo lepore panetario, maius monasterium adij, et in capitulum ipsorum ueniens promissam concessionem recapitulaui, et denuo concessi; et cum quodam baculo Nicholaum priorem, qui presidebat capitulo inuestiui, quem resumens super maius altare portaui, tam ex mea quam ex monachorum parte uidentibus inferius annotatis. Ex parte mea: Paganus de Fractaualle, Paganus de Froauilla, Hamelinus de Montorio, Mangarinus, Roscelinus mala terra, Turpinus cocus meus. Ex parte monachorum: Popardus maior, Haimericus filiaster eius, Gaufredus frater eius, Paganus famulus panetarij, Guido Huberti, Xristianus hospitalis, Eschiuardus et plures alii. Vt autem hec concessio futuris generationibus inconcussam stabilitatem semper obtineat, nec ei ab aliquo heredum uel successorum meorum, seu quolibet alio, in aliquo ualeat refragari, uolui eam litteris annotatam, et testium astipulationem subnixam, sub cirographo contineri, ipsumque partitum dimidium penes me, et dimidium penes monachos reseruari. Concessionis Hamelini filij mei testes sunt isti, ex parte eius: Paganus de Floouilla, Rotbertus de Floouilla, Paganus de Losuilla, Radulfus prepositus. Ex parte monachorum: Hugo prior Moreiarum, Lambertus de Loisteau, Paganus famulus panetarii, Robertus cellararius, Odinus filius Pupardi, Matheus, Piellus auunculus eius, Niuelo filius meus, Fulierius turbuart. Concessionem uero Pagani filii Hilgodi piel, que facta fuit apud Montem foletum in domo monachorum isti, quorum sequuntur nomina audierunt: Hilgodus piellus pater eius, et Matheus frater eius, Pererius, Gaufredus panetarius, Hugo prior Moreiarum, Willelmus capellanus, Lambertus de Loisteau, Robertus cellarius, Haimericus, Gaufredus filius Pupardi, Odoinus, frater eius Hubertus. Actum anno incarnationis Domini M. G. XXX. VIIII, domno Guarnerio Abbate maiori monasterio presidente, anno secundo. Partitus est autem cirographum hoc Bernardus, qui eodem tempore magister scolarum Fracteuallis erat, domno Ursione presente. Huic autem rei interfuerunt Philippus de Merlaio, et Paganus de Froauilla, et ex parte uero monachorum Gaufridus panetarius et Hugo prior, et Turpinus et Richardus passabroe.