Le comte Thibaud ordonne à ses officiers de n'imposer aucune coutume injuste aux habitants de Mesland, et force Ascelin de leur rendre 4 livres qu'il avait exigées pour la commandise.
Datierung: 1072-1086
Cum quadam vice moraretur comes Thetbaldus apud castrum Blesis adiit cum dominus Petrus prior, et alii de monachis nostris, et fecerunt clamorem ad ipsum de ministerialibus suis qui immittebant malas consuetudines in terram nostram de Fonte merlandi; transierant plurimi villam de terra sancti Martini de Castro novo ad terram nostram ut ibi hospitarentur, et cogebant eos ministeriales comitis reddere sibi commandisiam. Quam cum primo nollent reddere villani, destrinxit inde eos unus de predictis ministerialibus Ascelinus nomine, et pro hoc abstulit eis IIIIor libras denariorum in emandacione. De quo cum fecissent monachi nostri clamorem ad comitem, jussit comes vocari ad se Hugonem prepositum, et Ascelinum auctores predicte emendacionis, et precepit eis ut nullam amplius injustam consuetudinem inferrent villanis, qui hospitarentur in terram sancti Martini. Hoc etiam ex precepto suo judicans ut quicumque terram sancti Martini incolere vellent, securi et liberi ab omni exactione viverent, sicut et reliqui naturales villam eiusdem sancti. Et jubente eo guadiavit Ascelinus domno Petro priori illas quatuor libras emendationis, quas tulerat prefatis villanis. Testes qui affuerunt: Warinus comes de Rosniaco, Girardus senescalcus comitis, Rainaldus camberlancius comitis, Herbertus brito, Warinus filius Gradulphi, Guaufredus decanus sancti Martini.