Ludwig bestätigt der Kirche zu Paderborn die von Ludwig dem Frommen und Ludwig dem Deutschen verliehene Immunität, nimmt die Malmannen in der Mark Hörste in seinen Schutz und unterstellt sie dem Gericht des Bischofs oder des von diesem bestellten Vogtes.
Datierung: 881 06 05
Ausstellungsort: Frankfurt
(C.) In nomine sanctae et individuae trinitatis. Hludouuicus divina favente gratia rex. Si locis deo dicatis nostrae regiae potestatis benivolentiam impenderimus, hoc nobis ad aeternae remunerationis praemia capessenda profuturum liquid credimus. Quapropter noverit omnium fidelium nostrorum tam praesentium quam et futurorum industria, qualiter vir venerabilis nomine Liuthartus episcopus scilicet aecclesiae constructae in honore sanctae Mariae semper virginis et sancti Chiliani in loco qui dicitur Paderbrunno attulit in praesentiam nostram avi nostri piique genitoris nostri conscripta, in quibus continebatur, qualiter ipsi antecessores nostri res praefatae aecclesiae cum hominibus in ipsis rebus consistentibus sub illorum receperunt mundeburdo et tuitione, precatusque est nostram mansuetudinem, ut hoc ipsum a nostrae regiae potestatis consensus fieri non recusaremus. Nos autem ob amorem domini et ob remedium animae pii genitoris nostri caeterorumque antecessorum nostrorum nec non et pro nostrae mercedis augmento paternos mores sequentes et benignitati eius consentientes ita fieri decrevimus. Praecipientes ergo iubemus, ut nullus iudex publicus vel quislibet ex iudiciaria potestate in aecclesias aut loca vel agros seu reliquas possessiones iam dictae aecclesiae, quas nunc infra decionem regni nostri legibus possidet vel quae deinceps in iura ipsius loci divina pietas voluerit augeri, ad causas iudiciario more audiendas vel freda exigenda, mansiones vel paratas faciendas aut fideiusores tollendos aut homines ipsius aecclesiae contra rationem distringendos nec ullas reddibitiones vel inlicitas occasiones requirendas ullo umquam tempore ingredi audeat vel ea, quae supra memorata sunt, penitus exigere praesumat. Hominibus quoque famulatum eiusdem monasterii facientibus in Hursteromarcu, qui Saxonice malman dicuntur, praedictum mundeburdum et tuitionem nostram constituimus, ut etiam coram nulla iudiciaria potestate examinentur, nisi coram episcopo aut advocato, quem eiusdem loci episcopus elegerit. Quicquid vero fiscus exinde sperare potuerit, praedictae aecclesiae ad stipendia pauperum et luminaris concedimus. Et ipse episcopus cum omnibus rebus suis nostro fideliter pareat imperio et sub nostra consistat defensione, quatinus ipsum fratresque eiusdem loci pro nobis coniuge proleque nostra dominum melius exorare delectet. Et ut haec nostrae consensionis auctoritas pleniorem in dei nomine obtineat firmitatem, manu propria nostra subter eam firmavimus et anuli nostri impressione assignari iussimus.
Signum Hludouuici (MF.) serenissimi regis.
Arnolfus cancellarius advicem Liutberti arehicappellani recognovi [et] (SR.) (SI.)
Data nonas iunii anno dominicae incarnationis DCCCLXXXI, indictione XIII, anno V regni Hludouuici serenissimi regis; actum Franconofurt; in dei nomine feliciter amen.