a)

[…] futuris […sancti Michahelis] archangeli nec non pro […]a, pro nostrae etiam mercedis [augmento quasdam res] proprietatis nostrae cuidam monasterio […Metemon et] fratribus [ibidem deo] servientibus concessimus, ubi nunc venerabilis [abba] Lantbertus praeesse dinoscitur, hoc est in pago nuncupato Tunahgeuui in comitatu Cuniberti: de Steine […] sic in Zidelara, sic usque in Danubium. Itaque quicquid infra scriptos hos terminos habere visi fuimus, totum in proprietatem [et] dominationem iam dicto abbati et fratribus praedicti loci per petualiter possidendum condonavimus, ut eos pro nobis coniuge proleque nostra et totius regni [nostri] statu misericordiam omnipotentis domini melius exorare delectet. Et ut haec nostrae concessionis auctoritas firmior habeatur et per futura tempora a fidelibus nostris melius credatur manu propria nostra subter eam firmavimus et anuli nostri impressione assignari iussimus.

Signum Hludouuici (MF.) serenissimi regis.

Arnolfus cancellarius advicem Liutberti archicappellani recognovi et (SR.) (SI.)

Data V non. mai. anno dominicae incarnationis DCCCLXXX, indictione XII, anno IIII regni Hludouuici serenissimi regis; actum Forahheim villa regia; in dei nomine feliciter amen.

b)

In nomine sancte et individue trinitatis. Hloudwicus divina favente gracia rex. Si peticiones servorum dei iuste et racionabiliter aurem serenitatis nostre petencium ad effectum perducimus, hoc nobis procul dubio ad eterne remuneracionis premia capienda profuturum liquido credimus. Quapropter notum sit omnibus sancte dei ecclesie fidelibus nostrisque presentibus et futuris, qualiter nos ob nostre mercedis augmentum et pro remedio anime matris nostre et antecessorum nostrorum concessimus quasdam res proprietatis nostre in comitatu Cunberti cuidam monasterio constructo in honore sancti Michahelis archangeli ad peticionem Wypponis abbatis, qui eidem monasterio preesse dinoscitur, omne scilicet forestum et predium inter ipsum monasterium et Danubium, hoc est in pago de Staine usque in Chraphanrain, inde in Prant, inde in die Twerchloe usque in Zeydloren et sic usque in Danubium. Itaque quitquid infra scriptos terminos habere visi fuimus, totum in proprietatem dominacionem iam dicto abbati et fratribus predicti loci perpetualiter possidendum condonavimus, ut eos pro nobis coniuge proleque nostra et tocius regni prosperitate misericordiam omnipotentis domini melius exorare delectet. Et ut hec nostre concessionis auctoritas firmior habeatur et per futura tempora a fidelibus nostris melius credatur, manu propria nostra subter eam firmavimus et annuli nostri impressione assignari iussimus.

Signum (M.) Hludwici serenissimi regis.

Arnolfus cancellarius advicem Liutwerti archycappellani recognovi.

Data quinto nonas may anno dominice incarnationis DCCCLXXX, indictione XII, anno IIII regni Ludwici serenissimi regis; datum Forchaym villa regia; in dei nomine feliciter amen.