Ludwig schenkt seinem Getreuen Werinbold zwei Mansen in der Otterbacher Mark im Wormsfeld zu eigen.
Datierung: 878 12 11
Ausstellungsort: Heidebah
In nomine sanctae et individuae trinitatis. Hludouuicus divina favente gratia rex. Notum sit omnibus sanctae dei aecclesiae fidelibus nostrisque praesentibus scilicet et futuris, qualiter nos cuidam fideli nostro nomine Uuerinboldo ob nostrae concessimus, hoc est in pago noncupato Uuormazueld in comitatu in Ottarbacheromarcu mansos duos ex beneficio suo, tales scilicet mansos, quales ibi computantur, et quicquid ad illos duos mansos iure ac legitime pertinere videtur praefato Uuerinboldo in ius et proprietatem suam condonavimus cum domibus aedificiis campis agris pratis pascuis aquis aquarumve decursibus viis et inviis exitibus et regressibus, ea scilicet ratione ut inde nunc et deinceps omni tempore liberam in omnibus habeat potestatem faciendi. Et ut haec auctoritas nostrae concessionis firmior habeatur et per futura tempora a fidelibus nostris melius credatur et diligentius observetur, manu propria nostra subter eam firmavimus et annuli nostri impressione assignari iussimus.
Signum Hludouuici (MF.) serenissimi regis.
Uuolfherius cancellarius advicem Liutberti archicapellani recognovi et (SR. NN.) (SI. D.)
Data III id. decembr. anno dominicae incarnationis DCCCLXXVII, indictione XI, anno tertio regni Hludouuici serenissimi regis; actum Heidebah; in dei nomine feliciter amen.