Ludwig verleiht dem ihm vom Bischof Hildigrim von Halberstadt kommendierten Kloster Werden freie Abtswahl nach Hildigrims Tod, Immunität, Zollfreiheit in Neuss und Vogtsgerichtsbarkeit. [Verunechtet]
Datierung: 877 05 22
Ausstellungsort: Bürstadt
(C.) In nomine sanctae et individuae trinitatis. Hludouuicus divina favente gratia rex. Si petitionibus fidelium praesulum sanctae dei aecclesiae iusta et rationabilia petentium ad effectum perduxerimus, hoc nobis procul dubio ad aeternae remunerationis premia capessenda profuturum esse liquido credimus. Quapropter noverit omnium fidelium nostrorum tam praesentium quam et futurorum industria, qualiter quidam vir venerabilis nomine Hildigrimmus Alberstetensis civitatis episcopus quoddam monasterium noncupatum Uuiridine cum petitione fratrum ibidem deo servientium nostro commendavit patrocinio <et nostrae defensionis tuitioni> rogans id ipsum exposcentibus fratribus, ut iam dictum monasterium sub sua consistat potestate omni tempore vitae suae, et post discessum ipsius praedicti monasterii fratres deinceps potestatem habeant inter se eligendi abbatem, qui eos regulariter procurare sciat. Nos etiam petitionibus iam fati episcopi et praescriptorum fratrum assensum praebuimus. Et iussimus fieri hoc nostrae auctoritatis praeceptum, per quod decernimus atque iubemus, ut praefata petitio firma stabilisque permaneat. Hominibus itaque praedictorum fratrum nulla iudiciaria potestas vel iudex publicus praesit. Non ab eis freda sive paratae faciendae exigantur. Praefati monasterii fratres hominesque ipsorum ab omni vectigalium exquisitione securi in Niusa permaneant. Coram advocato, <quem abbas constituerit, si quid est> ratiocinandum aut corrigendum fiat. Et inmunitatis tuitione semper permaneant et ubique. Et ut haec auctoritas assensionis nostrae firmior habeatur et per futura tempora a fidelibus nostris melius credatur et diligentius observetur, manu propria nostra subter eam firmavimus et anuli nostri impressione sigillare iussimus.
Signum Hludouuici (MF.) serenissimi regis.
Uuolfherius cancellarius advicem Liutberti archicappellani recognovi et (SR. NN.) (SI. D.)
Data XI kal. iun. indictione X, anno dominicae incarnationis DCCCLXXVII, anno primo regni Hludouuici serenissimi regis in orientali Francia regnantis; actum Bisestat; in dei nomine feliciter amen.