In nomine domini nostri Iesu Christi dei eterni. Hludouuicus gratia dei imperator augustus invictissimi domni imperatoris Hlottharii filius. Omnibus fidelibus sancte dei ecclesie hac nostris presentibus silicet et futuris notum sit, ad aures mansuetudinis nostre esset perventum, qualiter pontifices sancte Lucenis ecclesie [...] rebus ibi pertinentibus tam pro sanvuinitatem quamque etiam pro proprio lucro per libellos hac fidiuchariis aliisque constcriptionibus quibusdam hominibus dedissent, unde nunc maximum damnum prefata patitur ecclesia adque rector et pastor eiusdem ecclesie nostrum dignissime non valet peragere servitium. Nos vero utilitatem iam dicte ecclesie pastorem ipsius necessitatem previdentes Hieremie, cui ipsum dedimus episcopatum, hoc nostrum preceptum fieri iussimus et nostra auctoritate ei concedimus omnes res sue ecclesie recipere adque secundum suam utilitatem disponere. Omnes vero libellos omnesque scriptiones inde factos irritos et vacuos esse statuimus simulque etiam et cuntas ordinationes adnihilatas phore sancimus. Sive clericus sive laicus sive etiam femina, [quicquid] exinde modo retinent, secundum hoc nostrum preceptum hirritum sit. Adque prefatos Hieremias pastor eiusdem ecclesie nostra auctoritate omnia ad suos recipiat usus et, secundum quot ei visum fuerit, ad suam suaque ecclesiae disponat utilitatem. Nam quicunque aliquit de iam dictis rebus apsque voluntate et concessionem prefati Hieremie quocunque modo retinuerit, siat se nostra incurrere offensione. Et ut hoc ab omnibus certius credatur ad diligentius opservetur, de anulo nostro subter iussimus sigellari.
Dructemirus sacri palatii harcinotarius recognovi.
Data quintum nonas octubris, anno Christo propitio imperii domni Hlottharii pii augusti trigisimo tertio et Hludouuici gloriosi imperatoris in Italia tertio, indictione prima; actum curte Auriola palatio regio; in dei nomine feliciter amen.