(C.) In nomine omnipotentis dei et salvatoris nostri Iesu Christi. Hlotharius divina praeveniente clementia rex. Dum petitiones fidelium nostrorum placide
adquiescimus nobisque devote famulantium utilitatibus pio favore consulimus, morem piissimorum nostrorum exequimur praedecessorum eosque sine dubio nostro famulatui ferventiores redere haudquaquam ambigimus. Omnium itaque sancte dei ecclesiae fidelium praesentium scilicet ac futurorum experiatur industria, quia Matfridus comes devotusque noster suggessit mansuetudini nostrae, qualiter quidam vassallus suus, Otbertus nomine nobisque admodum amabilis, res quasdam sue proprietatis cum rebus iuris nostri commutare vellet, veluti huius munificentiae nostrae series nos fecisse retexit. Dedit itaque praedictus Otbertus ad partem fisci nostri in comitatu Iuliacensi in commarca Bardunbach curtilem cum arboreta unum ac de terra arabili et prata iugera XXXIIII, de silva bunuarios XXVI et molendini loca II, et in villa Palembach curtilem unum ac in terram arabilem et prata iugera XX et molendini loca duo et de silva iugera XXX, ac in pago Tulpicensi in villa quae dicitur Chesnich curtem unum et de terra arabili iugera VII, et in pago Eiflinse in villa Dalaheim curtilem unum et in commarca ipsius ville bifangum unum, ubi possunt edificari mansa centum nec non insaginari porci mille, et coniacet ipsa silva inter Smideheim et Basenheim cum omnibus quae in praedictis locis visus fuit possidere. Itaque nos in recompensatione suarum rerum reddidimus praedicto Otberto de rebus iuris nostri in pago Moslense in commarca Uuanolon beneficium Sigari, ubi sunt inter terram et silvam bunuaria quinquaginta IIII cum mancipiis his nominibus: Ramboldo cum sorore sua et infantes ipsius sororis tres ac infantes uxoris praedicti Rainboldi septem, et de beneficio Meioli de villa Dalon feminas duas, quas habent duo homines fabri ac fratres qui fuerunt homines Conradi et Hildigardis, et in pago Tulpicensi in villa Leudesheim de beneficio Abraham curtiles IIII et de terra arabili bunuaria LX et in villa Bullinghiheim de beneficio Alberici bunuarium I et de beneficio Gauuueranni bunuarium I in ipsa villa, ac in pago Eiflinse in villa Feia de beneficio Eliberti curtiles IIII ac de terra bunuaria LXVIII et in villa Nefresheim de beneficio Guntberti et in villa Arolfesheim et in villa Gouuua curtiles IIII et de terra bunuaria L et de foreste, ubi possunt saginari porci CC. Insuper in comitatu Iulicense de villa Buslare mansos duos, quos habuit Saramannus in beneficio, alterum, quod Uuanboldus, cum mancipiis his nominibus: Gotboldus, Uuanboldus, Megingardus, Rimigart et infantibus earum VII; Folsuint, Oua, Gundrat, Vuerimburg, Reginburg; et de Lotmari villa servum I Ratbert, ac de beneficio Engilmari ancillam I Ottruth cum infantibus eius, cum omnibus praedictarum rerum adiacentiis vel quicquid ad ipsa loca pertinet in terris mancipiis utriusque sexus silvis. Quorum precibus benigne faventes hos regiae dignitatis imperavimus apices fieri, per quos sanccimus atque decernimus, ut haec commutationis nostrae auctoritas cuncta per tempora firma et stabilis perseveret atque deinceps per hoc largitionis nostrae praeceptum praedictus Otbertus cuncta iure proprio teneat atque possideat faciatque sine cuiuspiam contradictione quicquid elegerit vel voluerit. Et ut haec auctoritas nostrae liberalitatis firmior habeatur per tempora, subter manu nostra firmavimus et anuli nostri inpressione signari iussimus.
Signum Hlotharii gloriosissimi regis.
Grimlandus regiae dignitatis cancellarius recognovit.
Data XIII kl. febroarii anno Christo propitio regni gloriosissimi regis Hlotharii XII, indictione XV; actum Aquisgrani palatio regio; in dei nomine feliciter AMHN.