(C.) In nomine omnipotentis dei et salvatoris nostri Iesu Christi. Hlotharius divina praeveniente clementia rex. Satis congruit exeellentiae regiae celsitudinis, ut procerum suorum petitionibus eo libentius faveat, [quo eos in suis promptius] atque ferventius prospicit decertare utilitatibus. Quapropter omnium fidelium sanctae dei eclesiae ac nostrorum praesentium videlicet et futurorum magnitudo comperiat, quia Adalardus et Matfridus dilectissimi et illustrissimi comites petierunt nostri culminis excellentiam, ut cuidam fideli nostro, vassallo scilicet praefati Matfridi, nomine Otberto res quasdam proprietatis nostrae ex suo beneficio ad proprium concederemus ac per praeceptum nostrum confirmaremus, hoc est in comitatu Tulpiacensi et Bunnensi in villa nuncupante Bullengesheim curtem et terram dominicatam cum capella et alios mansos quattuor, nec non et in alio loco qui dicitur Strazfelt curtem et terram dominicatam cum capella inter Casnec et Dreisa et Sursa et Essingoua et in ipso Strazfelt, in istis iam supra dictis locis alios mansos VII et in villa qui dicitur Giuualdesdorf curtem et terram dominicatam et alios mansos II, et in villa qui dicitur Piscenheim curtem et terram dominicatam, et inter duos Piscenheim et Gisonhoua super fluvium Ara et Regamaga et Coruuingoua et Bergo et alios mansos quatuor et bunuarium unum ac de vinea aripennos sex. In istis supra iam nominatis locis habet curtes et terras dominicatas quatuor et capellas II et alios mansos XVII et ad unumquemque mansum bonoarios XXX. Quorum petitionibus ob eorum sincerissimam unanimitatem nostrum praebentes assensum hos eminentiae nostrae apices fieri decrevimus, per quos memorato Otberto in praescriptis comitatibus atque praenominatis locis iam supra dictas terras dominicatas IIII et capellas II et alios mansos XVII et bunuarium unum ac de vinea aripennos VI et ad unumquemque mansum bonoarios XXX cum omnibus ad eos pertinentibus, terris scilicet cultis et incultis vineis silvis pratis pascuis aquis aquarumve decursibus molendinis exitibus et regressibus nec non et mancipia utriusque sexus ibidem pertinentia nec non et bifangum qui vocatur Abuchescheit et Astamascheit qui aspicit ad Ottenheim et ista mancipia ibidem pertinentia, quorum nomina haec sunt: Inga, Gerbirg, Adalsuit, Fastrat, Baldrat, Trutlint, Thiotgart, Ratburg, Aluoar, Erchendrut, Engilburg, Ildigart ; ex beneficio Ingilmari mancipias duas, nomina eorum: Ottruth et Uuilligart. Et istas supra nominatas mancipias cum infantibus eorum ad proprium tribuimus et de iurae nostro in ius ac dominationem ipsius perenniter mansurum transfundimus, quatinus potissimam deinceps ex eisdem rebus vel mancipiis per hanc nostram auctoritatem habeat potestatem faciendi quicquid elegerit vel voluerit, remota cuiuslibet inquietudine vel contrarietate, ita dumtaxat, ut in nostra permanens fidelitate. Et ut haec nostrae largitionis auctoritas inviolabilem obtineat firmitatem, manu propria subter firmavimus et anuli nostri inpressione signari iussimus. Signum Hlotharii gloriosi regis. Ercamboldus regiae dignitatis notarius recognovit. Data IIII kl. iul. anno Christo propitio domni Hlotharii gloriosi regis I, indictione IIII; actum Neomaga palatio regio; in dei nomine feliciter amen.
