Formulae - Litterae - Chartae: Leseumgebung

Codex Laureshamensis Teil: Bd. 1, Einleitung, Regesten, Chronik Kap. Nr. 144

Sub eodem tempore quidam dei famulus, nomine Anshelmus, religiosus admudum et locuples, eellam Niwenburg iniciavit, aecclesiaque constructa, et in honore sancti Bartholomei apustoli consecrata, habitaculis etiam deo inibi servientibus apparatis, res et possessiones quas poterat eidem loco contulit, quae postea providentia domni Heinrici abbatis, ut in suo loco dicetur, aucta et meliorata sunt.

Inter hec idem ipse abbas, mansueti et simplicis ut predictum est ingenii, et qui aecclesiae suae forsitan consultius prospexisset, si perversorum hominum que sua, non quae dei sunt querentium tabe infectus non fuisset, consilio familiarium, et amicorum gratia corruptus, vicos Cellam et Husen, itemque alium Cellen, theloneum cum plurima parte decimae in Michlinstat, et Morlebach beneficiavit, theloneum in Winenheim et partem agri dominicalis in castrense beneficium, itemque Mulnen, aliaque alibi sparsim ac dispersim distribuit. Preterea Bertolfo advocato, orta inter ipsum et episcopum spirensem Sigefridum inexorabili gwerra, per quam etiam laurishamensis aecclesia miserabiliter rapinis et incendiis profligata est, tres libros auro et argento gemmisque preciosis exornatos, crucem quoque auream, in vadio exponenda concessit, quae tamen neuter eorum redemit. Ex beneficio eiusdem B. quod ei vacaverat, curiam Liutershusen solam in manu aecclesiae retinuit. Habito subinde generali concilio sub Innocentio papa, Roma digrediens, Veronae langvore correptus, apud Brixiam quae civitas est tridentinae vallis decessit, anno regiminis sui XIIIIo; sepultusque ibidem, in latere matricis aecclesiae, ad limen meridiani introitus. Lothario imperatore in Italia defuncto, et Bruonswich tumulato, quarto decimo ex quo regnare cepit anno,

Cunradus Heinrici IIII imperatoris ex sorore nepos, habenas regni sortitus est. Per quem interiecto post obitum Diemonis abbatis integro et semis anno, Baldemarus blidenstadensis abb., magontiensis tam moribus quam genere, symoniaco ut aiunt obtentu laureshamensem invasit aecclesiam. Qui prima fronte, fratrum, ac ministerialium, Bobbonis quoque comitis et advocati obliquis exceptus odiis, regali iusuper offensione quem promissis ex parte frustraverat incendio prebente fomitem, in presentia Theotwini cardinalis, apostolicae | sedis legati criminaliter accusatus, et necdum anno vertente canonico iudicio depositus est. Cuius sententiae tenor talis suit.