Priscorum norma et cunctorum legum patet auctoritas, ut quicumque res ecclesie per libellum habere voluerit, videlicet viginti novem annis, ipsius petat suffragium et tuitionem, in cuius videtur habere dominationem. Quapropter ego in dei nomine Chuonradus nutu dei omnipotentis rex: noverit fidelium nostrorum industria, qualiter Auretinus humiliter petisti, ut res nostras ex abbatia nostra, que est constructa in honore sancti Andree, scilicet in comitatu Viennensi, in agro Rogiacensi, in villa Sataratis et in Colonicas, hoc sunt campi sicut dividuntur cum terra sancta Maria, tibi et ad unum tuum heredem per libellum sub usu beneficii concedo, ea namque ratione, ut annis singulis ad ipsam ecclesiam sex denaratas in censum de cera persolvas. Si de ipso censu neglegens fueris in uno anno, in alio duplum componas ac insuper hoc libellum scriptum inviolabilis permaneat, cum stipulatione subnixa.
Signum Elerado. Signum Patoni comite. Signum Giroldi. Signum Vuidoni.
Ego Sieffredus levita hoc libellum scripsi; datavi die martis, V idus martii anno XXVII regnante Chuonrado rege serenissimo.