Karl der Grosse schenkt der Kirche von Osnabrück einen Bannforst innerhalb genannter Grenzen und bestätigt dem Bischof die Befreiung von jedem Königsdienst ausser der Uebernahme der Gesandtschaft im Falle einer Verehelichung von Kindern des römischen Kaisers und des Königs der Griechen gegen die Verpflichtung, griechische und lateinische Schulen zu halten.
Datierung: 804 12 19
Ausstellungsort: Aachen
(C.) In nomine sanctae et individuae trinitatis. Karolus imperator augustus Romanum gubernans imperium, qui et rex Francorum et Langobardorum nec non modo dominator et Saxonum. Notum sit omnibus sanctae dei aecclesiae fidelibus nostrisque praesentibus scilicet et futuris, qualiter nos ob nostrae mercedis augmentum Vuihoni Osnabrukgensi episcopo suaeque aecclesiae, quam nos primam onium in Saxonia in honore sancti Petri principis apostolorum et sanctorum martirum Crispini et Crispiniani construximus, quoddam nemus vel forestum infra haec loca situm : Farnvuinkil, Rutanstein, Angeri, Osning, [Si]nithi, Bergashouid, Dreuenomeri, Etanasfeld, Dumeri, collaudatione illius regionis potentum cum omni integritate, in porcis videlicet silvaticis atque cervis, avibus et piscibus omnique venatione, quae sub banno usuali ad forestum deputatur, ad similitudinem foresti nostri Aquisgranum pertinentis in silva Osning in perpetuum proprietatis usum donavimus, ea videlicet ratione quod si quisquam hoc idem nemus nostro banno munitum sine praedictae sedis episcopi licentia studio venandi vel silvam exstirpandi vel aliquod huiusmodi negotium peragendi umquam intrare praesumpserit, sciat se tam divinae quam et regiae ultionis vindictam incursuram nec non pro de[licto sexaginta solid]os n[ostri pon]deris, q[uos] nobis pro banno violato debere [statuimus, redd]iturum. [Insuper v]ero ei[d]em episcopo suisque successoribus perpetuam concedimus libertatem [et a]b omni regali servitio confirmamus absolutionem, ni[si forte con]tingat, ut impera[tor Ro]manorum vel rex Grecorum coniugalia fede[ra] inter filios eo[rum cont]rah[ere] disponant, tunc aecclesiae illius episcopus omni sumptu… a rege vel imperatore adhibito laborem simul et honorem illius legationis [assumat. Et hoc ea d]e causa s[tatui]mus, quia in eodem loco Grecas et Latinas scolas in perpetuum manere ordinavimus et numquam clericos utriusque [linguae gnaro]s ibi dees[se i]n misericordia confidimus. Et ut haec auctoritas firmior habeatur ac diuturnis temporibus melius conservetur, manu propria subter eam roborare decrevimus et de anulo nostro sigillare iussim[us].
Signum (M.) Caroli piissimi imperatoris.
Amalbertus advicem Ercanbaldi recognovi (SR.). (SI.)
Data XIIII kal. ian. anno IIII Christo p[riopitio imp]erii nostri et XXXVII regni nostri in Francia atque XXXI in Italia; actum Aquisgrani palatio; in dei nomine feliciter amen.