Karl der Grosse bestätigt dem Kloster Montecassino den von seinem Vater Pippin und dessen Bruder Karl geschenkten Besitz sammt Immunität.
Datierung: 798 02 [12]
Ausstellungsort: Pavia
In nomine domini nostri Iesu Christi dei eterni. Carolus gratia dei rex Francorum atque Langobardorum ac patricius Romanorum omnibus episcopis abbatibus ducibus comitibus iudicibus castaldeis actionariis vicariis centenariis vel reliquis fidelibus nostris presentibus atque futuris. Maximum regni nostri in hoc augere credimus munimentum, si petitionibus sacerdotum atque servorum dei, in quo nostris auribus fuerint prolate, libenti animo obtemperamus atque ad effectum perducimus, regiam consuetudinem exercemus et hoc nobis ad mercedis augmentum vel stabilitatem regni nostri in dei nomine pertinere confidimus. Quapropter noverit sollertia vestra, qualiter ob reverentiam sancti confessoris Christi Benedicti ad petitionem religiosi Theodemari abbatis ex monasterio Casinensi tale beneficium in ipso monasterio visi fuimus concessisse, unde monachi deo servientes pro nobis et pro cuncto populo christiano exorantes vivere valeant, id est res pertinentes sacro nostro palatio per diversa loca, que genitor noster Pipinus una cum fratre suo Karulo in eodem sancto cenobio obtulerunt. Igitur, sicut ab illis in eodem loco oblata et confirmata sunt, et nos in perpetuum habendum, tenendum et dominandum concedimus et confirmamus ecclesiam sancti Iacobi in Tremiti, sancti Iohannis in Veneri, que a Martino monacho eiusdem ecclesie constructore beato Benedicto oblata est, dehinc ecclesiam sancti Liberatoris supra fluvium Laentum, sancti Angeli in Monte plano, castellum sancti Angeli, castellum sancti Petri, curtem sancti Ianuarii cum pertinentiis suis inter has fines: ab uno latere cripta Latronis, que est sub monticello Sarracenisco, et inde ascendit in stafilum de Maiella; de alio latere, quomodo descendit in aquam Frassiningam et inde mittit in rivum Bacinnum et vadit in puteum de Capetano, inde [in] fossatum sancti Ianuarii et in Rosentem; de alio latere finis Bisara in viam, que vadit in lacuna supra sanctum Donatum, hinc in ficarium, inde in fossatum de sancta Lucia et ascendit per Aquam frigidam in limite de Monte plano et sicut vadit sub ipsis limitibus in fossatu Garifuli et ita vadit in Alento; inter quos fines nulli homini aliquid dedimus, sed [sicut] fisco regali pertinebat, omnia in eodem cenobio obtulimus. Dehinc ecclesia sancte Marie in Bacinno, sancti Felicis in Pastoricio, sancti Benedicti in Turri, sancti Viti supra flumen Lavinum, sancti Helie in Sclangario, sancti Comitii iusta rivum Arulum, sancti Felicis in Pulverio, sancti Calisti in Iliano, sancte Mammetis ibidem, sancte Marie in Potiano, sancti Marci ibidem, sancti Eleutherii in Rupi, sancti Pauli ibidem una cum castro Calcaria, sancti Erasmi in Cerritu planu, sancti Salvatoris et sancti Martini ibidem, sancti Benedicti, sancte Marie et sancti Comitii in Orno, sancti Calisti, sancti Petri in Mallianellu, sancti Mauri et sancti Renati in Taratoniano et Piczucorvarium, sancti Calisti in valle supra Laentum, sancte Marie supra fara de Laentum, sancti Sabini in Trevanico, sancti Clementis in Plumbata, sancte Marie in fluvio Foro, sancti Petri in Iolliano, monasterium sancti Severini, sancti Menne in Ripe, sancti Andree in colle de Albe, sancti Petri in Ari, sancti Angeli ante civitatem Ortonam, castellum de Ungo, castellum de Prata, sancte Crucis in castro Casale, monasterium sancti Pancratii, sancti Petri in civitate Teatina vetere, sancti Pauli ibidem, sancte Tecle in civitate Teatina nova, sancti Theodori et sancti Salvatoris in Aternum cum portu suo; in comitatu Pennensi ecclesia sancti Felicis in Stabulo, sancti Benedicti in Lauriano, sancte Scolastice iuxta fluvium Tabe, sancti Angeli in Galbanico, sancti Felicis in Rosiccle, sancte Marie ad Paternum, sancti Martini in Genestrula, sancti Petri et sancte Cecilie in Castroniano, sancti Petri in Termule, sancti Benedicti et sancte Marie in Maurinu cum portu suo, sancti Victoris in Silva plana, sancti Benedicti et sancte Scolastice in Pinne, sancte Marie et sancti Benedicti et sancte Columbe in Alarino, sancte Marie in Cosentia et sancti Benedicti in Bari, sancti Severi in Sorrentu, sancti Benedicti et sancti Andree in Caudi, sancte Sophie in Benevento, sancte Cecilie in Neapolim, sancto Benedicto in Salerno, sancti Benedicti in Gaieta, sancti Salvatoris ibidem, sancti Laurentii in Maiolisi, sancti Mauri in Maranisi, sancte Marie in Maritendulo, sancti Agapiti, sancte Scolastice in Teano, sancti Iohannis in Irpinisi, sancte Reparate, sancti Maximi in rivo Bulanu, Campu friddu, sancti Martini in Vulturnu cum portu suo, sancte Marie in Turcinu, sancti Benedicti in Benevento, sancti Angeli in Alefrid; in Cominu sancti Victorini, sancti Erasmi, sancte Marie et sancti Quirici in Arci, sancti Comitii in Piscaria, sancti Petri in Ceccanu, sancti Liberatoris in Puscolle, sancti Lopardi et sancti Petri in Teczania, sancti Angeli in Laiano, sancti Benedicti in Casagenzana, sancti Benedicti in Lauriana, sancti Benedicti in Cicilia, sancti Petri in Conca, sancti Benedicti in Pantanu, sancti Vigilii in monte sancti Angeli, sancte Marie in Calvo, sancti Mauri in gualdo Liburie, sancte Scolastice in Padule, sancti Martini in Cupuli, sancti Benedicti in Atine; in comitatu Mutinense monasterium sancti Benedicti in Adili, monasterium sancti Martini iuxta Stratam petrosam, monasterium sancti Iohannis in curte Frassenetula, monasterium sancti Domnini in curte Argele, sancti Vitalis in curte Calderaria, monasterium sancte Marie in Laurentiatico cum omnibus pertinentiis eorum in quibuscumque locis positis seu casalibus aut fundoris tam dominicatum, villis cum rusticis et colonis et cum famulis utriusque sexus per singulas curtes et per singula monasteria, que superius leguntur, una cum terris vineis pratis pascuis silvis piscationibus aucupationibus, cultum et incultum, divisum et indivisum, arboribus fructiferis et infructiferis et pomiferis ex diversis generis et cum omnibus super se et infra se habentibus in integrum in eodem monasterio Casinensi concessimus in perpetuum semper habendum. Pariter etiam in eodem loco concedimus cunctas res, que in eodem loco oblate sunt per omnes regni nostri fines seu et que amodo inantea qualiscumque homo donare vel offerre ex rebus suis, id est terris vineis casis molendinis, in predicto monasterio sancto et venerabili loco voluerint, licentiam et potestatem habeant donare et offerre, cum quali ratione voluerint, suorum sint licentiam, sine contrarietate principis archiepiscopis comitibus episcopis castaldeis iudicibus, ut, quemammodum ad eundem venerabile monasterium beati Benedicti possesse fuerunt, per hanc nostre confirmationis auctoritatem nostris futurisque temporibus abbas ipsius loci sancti Benedicti firmiterque inviolabiliterque teneat et possideat, prout facultas vel utilitas ipsius venerabilis loci exigerit, ita ut nullus iudex publicus quislibet ex iudiciaria potestate in cellas et villas aut agros seu loca sive reliquas possessiones nostri cenobii sancti Benedicti, quas moderno tempore in quibuscumque pagis et territorio infra nostri regni dicione iuste et legaliter possidet vel quicquid etiam deinceps divina pietas ipso loco voluerit augere, ad causas audiendas vel freda aut tributa exigenda vel mansiones aut paratas faciendas vel fideiussores tollendos aut homines ipsius monasterii tam liberos quam servos seu cartulatos vel offertos et qui super terram earundem ecclesiarum resident, nulli liceat distringere, redibitiones vel illicitas occasiones inperpetuum requirere. Si quis autem hoc contradixerit et hanc nostram oblationem infringere conaverit, sciat se penam persolviturum abbatibus ipsius monasterii emunitatem nostram, quam in omnibus constituimus ecclesiis. Et ut hec auctoritas firmior habeatur ac deo auctore inviolata conservetur, manu propria subter roborare decrevimus et anulo nostro sigillare iussimus.
Signum (M.) Caroli gloriosissimi regis.
Iacob advicem Radoni.
Data octavo decimo kalendas mar. anno tricesimo regni nostri, indictione septima; actum civitate Papia; in dei nomine feliciter amen.