Karl der Grosse bestätigt der Kirche in Salonne das von der Synode in Paderborn verliehene Privileg der Exemtion von der Gewalt des Metzer Bischofs und stellt sie unter die Immunität von St. Denis.
Datierung: 777 12 06
Ausstellungsort: Aachen
(C.) Carolus gratia dei rex Francorum et Langobardorum atque patricius Romanorum. Oportet serenitas nostra, ut ea, que a fidelibus nostris postulata fuerint iustae et racionabiliter, pro servitio et fidelitate, que circa genetore meo Pippino rege et circa me habere viduntur, eis inpertire debeamus. Notum sit omnibus fidelibus nostris tam presentibus quam et futuris, qualiter veniens Foleradus, cappellanus palacii nostri et abba sancti Dyonisii, nobis retullit priuuilegium a partibus sancti Dionisii, quem senodalis concilius anno nono ad Patrisbrunna ex promisso Angalramno episcopo et Uuilhario archyepiscopo constituerunt de res proprietatis suae in loco qui dicitur Salona, que est constructus in honore sancta dei genetrice et beatorum martyrum et confessorum et virginum, ubi sanctus Priuatus marthur et sanctus Ilarus confessor requiescere viduntur; et in eo priuuilegio insertum invinimus, ut neque Angalramnus episcopus neque successoris sui neque arcidiaconus neque missus ecclesiae suae Mediomatricis ibi in ipso cenubio pontificium habere non debeant, nisi si abbas sancti Dionisii expetierit ordinacionis faciendi, cresmetandi et tabulas benedicendi. Interrogavimus Angalramnum episcopum, si ipsum priuuilegium consentire debuisset, et ipsi nullatenus denegavit, nisi sicut a senodale concilio constituerunt, quo episcopi sui sic consentiunt, sicut ipsi priuuilegius clariter innotuit. Propterea talem preceptum et confirmationem emennare precipimus a partibus sancti Dyonisii, ut post hunc diem nullus quislibet episcoporum neque Angalramnus aut successoris sui ipso cenubio non contingat, nisi sit sub emunitate et priuuilegium sancti Dionisii regulariter sicut ceteras ecclesias, que ad ipsa casa sancti Dionisii aspicere viduntur, et terrolas, que Angalramnus et Folradus infra ipso agro Salona et fine commutaverunt. Simile modo ex nostrum promissum et confirmationem absque episcoporum Metinsis ecclesiae inpedimentum pars sancti Dionisii una cum ipso cenubio Salona sub nostram tuitionem et defensionem et procerumque nostrorum partibus sancti Dionisii debeant respicere et quicquid per commutacionis regum aut dationem aut conlata populi ibidem additum aut conlatum fuerit et Folradus de suas res ipso cenubio ditavit, sub emunitate et defensionem sancti Dionisii omnique tempore permanere debeant ex nostra auctoritate confirmatum, ut melius dilectet ipsa congregatione sancti Dyonisii et sancti Priuati et sancti Ilari pro nobis et prolis uxoreque nostra domini misericordia adtencius deprecare. Et ut haec auctoritas firmior habeatur vel per tempora melius conservetur, manu nostra propria subter eam firmavimus et de anulo nostro siggellavimus.
Signum (MF.) Caroli gloriosissimi regis. (C.) Rado relegi et (SR. NT.: Rado relegi et subscripsi). (SI. D.)
Datum quod fecit decemb. dies sex anno X regnante domno nostro Carolo rege; actum Aquis palacio publico; in dei nomen feliciter (NT.: Ego Adaoulfus scripsi et subscripsi).