lmmina affranchit un serf et cinq serves, en leur imposant la condition de payer chaque année, eux et leurs descendants, un tribut pour le luminaire de l'autel de saint Gorgon, à Gorze.
Datierung: 945 05 17
Ausstellungsort: Gorze
Cum fragilitati humane varii casus accidunt, et unusquisque finem vite sue ignorat, ita agere debet quasi omni bora se cogitet bine transiturum, ne interveniente negligentia, circa finem imparatus, sine aliquo respectu boni operis de seculo migret; et quandiu in potestate sua homo consistit, preparare sibi viam salutis debet, per quam ad etemam beatitudinem pervenire valeat. Quapropter, ego in Dei nomine lmmina, cogitans pro Dei intuitu et anime mee salute ut veniam delictorum meorum in futuro adipisci merear, et in die futuri examinis ante tribunal Christi adsistens, illam desiderantissimam Domini vocem audire valeam: «Venite, benedicti patris mei, percipite regnum,» absolvo, per consensum et voluntatem filii mei Alsaroi, famulum ac servum meum nomine Rotfridum, et ancillas meas, scilicet Alexandriam, Flozsinnam, Anciliam, Dodam, Gislam, ut ab hodierna die et deinceps bene ingenue atque ab omni vinculo servitutis secure permaneant, tanquam si ab ingenuis parentibus fuissent procreate vel nate, eandemque pergant partem quamcumque voluerint, habeantque portas apertas; ea tamen ratione ut ad altare sancti Gorgonii, in Gorziensi monasterio, ad festivitatem predicti martyris, que est V idus septembris, unum denarium ad luminaria concinnanda unaqueque illarum persolvat, masculus vero duos denarios, et simili modo omnes quicumque ex semine illarum procreati fuerint; et postea nec michi neque successoribus meis ullum debeant noxie conditionis servitium, sed omnibus diebus vite illarum subcepta plenissima ingenuitate secure existant; suum autem peculiare quod habent aut adquirere potuerint sibi habeant concessum. Si quis vero de heredibus vel proheredibus meis hanc ingenuitatem irrumpere temptaverit quod fieri minime credo, caveat ut proinde iram Dei non incurrat, presensque ingenuitas omni tempore firma et stabilis permaneat, stipulatione subnixa. Actum in Gorzia, sub die XVI kalendas junii, anno ab incarnatione Domini DCCCCXLV, indictione III, anno vero regni Ottonis regis X, regnante domino nostro Jesu Christo, cuius regnum et imperium sine fine permanet in secula seculorum. Signum lmmine; Signum Alsaroi; † Odelberti ; † Birardi ; † Eldelaici ; † Bereogerii ; † Martini ; Signum domni abbatis Agenoldi; † Radingi decani; † Everberti, custodis ecclesie; † Johannis portarii ; † Huberti camerarii; † Folberti circuitoris; † Odelberti; † Winemanni; † Berengarii cancellarii; † Bemacri, qui hanc cartulam scripsit.