Othon, roi de Germanie et de Lorraine, confirme à l'abbaye de Gorze la possession de tous les domaines qui lui ont été donnés par Adelbero, évêque de Metz, et par ses prédécesseurs sur ce siège épiscopal.
Datierung: 943 07 13
Ausstellungsort: Aix-la-Chapelle
ln nomine sancte et individue Trinitatis. Otto Dei gratia rex. Noverit omnium fidelium nostrorum tam presentium quam et futurorum industria, qualiter Adalbero, Metensium episcopus, per interventum Cuonradi, Lodariensis ducis, nostram adiit clementiam, deprecans ut res quas ipse Adalbero ad monasterium in honore sancti Petri, apostolorum principis, constructum, quod Gorzia nominatur, ubi menbra incliti martiris Gorgonii quiescunt, ad mensam fratrum ibidem secundum regulam sancti Benedicti Deo militantium, dedit, vel antea a predecessoribus suis ad predictum monasterium datas invenit, ,idelicet Bodulfi villam cum omnibus suis appendiciis, Noviant similiter cum suis appendiciis, Wasaticum et villam Domni Stephani cum appendiciis suis, Pennam cum suis appendiciis, ecclesiam que est in villa Gamiaco cum duabus cappellis, ecclesiam que est in villa Siaco cum capella una, IX mansos in villa que dicitur Molendina, Lagnei villam cum appendiciis suis, villam Domincum, ecclesiam in Gaugiaco, cappellam in Madelini curte et aliam Domni Martini dictam, ecclesiam in Cuveriaco, ecclesiam sancti Mariani in Subteriori Vico sitam, cum capella in Bionis curte et omnia que ad predictam ecclesiam aspiciunt, Warengisi villam cum appendiciis suis, Montem Vironis cum appendiciis suis, Montem Gudini, Sumalonam, ecclesiam Domni Martini, Wasnau et Montem medium cum appendiciis suis, ecclesias duas in Paterni villa, cum mansis ad eas pertinentibus, Flamereshem cum ecclesia una, ecclesiam que est in villa lsemburg, et terciam partem eiusdem ville, et terciam partem silve, et cetera que ad ipsam aspicere videntur, quicquid sanctus Gorgonius in Clusoredo habuit, omnem decimacionem, de vino, annona, et feno ac lino, in villa Pomaries, et in Bredalio, et in Gamiaco, in Siaco, et de vineis indominicatis que sunt circa Mettis, de Gaudiaco, de Prunido, de Falto, de Fao, de Vulteriaco, de Haldulfi villa, de Sarcofago, de Furcellis decimam indominicatam, mansum infra Mettis quod dicitur Aurea, alodium quod Angelramnus sancto Gorgonio dedit ad Montem Iovis, nos quoque regia auctoritate nostra ad prefatum monasterium concederemus. Igitur piis eius peticionibus annuentes, predictas res, et insuper omnia que ad presens tenent, et deinceps per cartarum instrumenta adquirere potuerint, eiusdem monasterii monachi iure perpetuo teneant atque possideant, per hoc nostre auctoritatis preceptum eis concedimus. Et ut hoc nostre concessionis preceptum firmiter stabiliterque permaneat, manu propria subtus illud firmavimus anuloque nostro insigoiri iussimus. Signum domni Ottonis regis serenissimi. Brun, cancellarius, ad vicem Friderici archicapellani, recognovi et scripsi. Data III idus iulii, anno ab incarnatione Domini DCCCCXLIII, indictione I, anno domni Ottonis serenissimi regis IX. Actum ad Aquis.