Othon, roi de Germanie et de Lorraine, confirme à l'abbaye de Gorze la possession de tous les domaines qui lui ont été donnés par Adelbero et les autres évêques de Metz.
Datierung: 936
ln nomine sancte et individue Trinitatis. Otto Dei gratia rex. Noverit omnium fidelium nostrorum tam presentium quam et futurorum industria, qualiter Adelbero, Mettensium episcopus, per interventum Brunonis, archiepiscopi, atque Willibemmi, archiepiscopi, nostram adiit clementiam, deprecans ut res quas ipse Adelbero ad monasterium in honore sancti Petri, apostolorum principis, consecratum, quod Gorzia vocatur, ubi menbra incliti martyris Gorgonii quiescunt, et ad mensam fratrum ibidem Deo secundum regulam sancti Benedicti militantium dedit, vel antea a predecessoribus suis ad predictum monasterium datas invenit, videlicet, Bodulfi villam cum omnibus suis appendiciis, Noviant similiter cum suis appendiciis, Wasaticum et villam Domni Stephani cum appendiciis suis, Pennam cum suis appendiciis, ecclesiam que est in villa Garniaco cum duabus cappellis, ecclesiam que est in villa Siaco cum capella una , novem mansos et eo amplius in villa que dicitur Molendina, Lagnei villam cum appendiciis suis, villam Dornincum, ecclesiam in honore sancti Andree in Gaudiaco, capellam in Madelini curte et aliam Domni Martini dictam, ecclesiam in Cuveriaco, ecclesiam sancti Mariani in Subteriori Vico sitam, cum cappella in Bionis curte et omnia que ad predictam ecclesiam aspiciunt, Warengisi villam cum omnibus appendiciis suis, Montem Vironis cum appendiciis suis, Montem Gudini, Sumalonam, ecclesiam Domni Martini, Wasnau et Montem medium cum appendiciis suis, ecclesias duas in Paterni villa cum mansis ad eas pertinentibus, Flammareshem cum ecclesia una, ecclesiam que est in villa Isemburch, et terciam partem eiusdem ville, et terciam partem silve, et cetera que ad ipsam aspicere videntur super fluvium Moselle, quicquid sanctus Gorgonius in Clusoredo habet, omnem decimationem, de vino, annona, et feno ac lino, in villa Pomaries, et in Predalio, et in Garniaco, et in Siaco, et de vineis indominicatis que sont circa Metis, de Gaudiaco, de Prunido, de Miliriaco, de Falto, de Fao, de Vulteriaco, de Heldulfi villa, de Sarcofago, de Furcellis decimam indominicatam, mansum infra Mettis qui dicitur Aurea, alodium quod Angilramnus sancto Gorgonio dedit ad Montem Jovis, Odonis villam, Enwaldi villam, Aldi villam, ecclesiam in villa Fao, ecclesiam in villa Sancti Marcelli cum capella una, villam que dicitur Soiron, nos quoque, regia auctoritate nostra, ad prefatum monasterium concederemus atque firmaremus. Igitur, piis eius peticionibus annuentes, predictas res, et insuper omnia que ad presens tenent, et deinceps per cartarum instrumenta adquirere potuerint, ejusdem monasterii monachi iure perpetuo teneant atque possideant, per hoc nostre auctoritatis preceptum eis concedimus. Et ut hoc nostre concessionis preceptum firmiter stabiliterque permaneat, manu nostra subtus illud firmavimus anuloque nostro insigniri iussimus. Actum anno ab incarnatione Domini DCCCCXXXVI, indictione IX, epacta XXV, concurrente V, anno I regni Ottonis regis.