Les moines de Gorze donnent à un prêtre nommé Erembertus des terres et des prés à Sponville, en échange de biens à Xonville, Sponville et Raulecourt.
Datierung: 912
Ausstellungsort: Scarponne
Ordo rationis iure expostulat ut quotiens mundanarum rerum probabilis comutatio certum obtinere nititur tramitem, adhibita inviolabilis karitatis exhibitione, illud quod largiflua caritas invicem impertiri non abnuit scriptis omnimodis roboretur; unde et quod prudentissima sanxit antiquitas nec minus fragilioris evi posteritas, hoc idem inconvulsa apicum adnotatione firmare satagit, quatinus rationabiliter collata nulla postmodum possint rerum varietate turbari. Quamobrem, placuit atque convenit inter illos monachos ex monasterio sancti Petri seu sancti Gorgonii Gorziensis monasterii, et quendam presbiterum nomine Erembertum, per consensum et licentiam domni Roberti, sancte Mettensis ecclesie venerabilis archiepiscopi, et Widrici, eiusdem monasterii abbatis, quasdam res, pro ambarum partium oportunitate, commutare deberent; quod ita et fecerunt. Dederunt itaque monachi predicti monasterii memorato Heremberto, presbitero, ad proprium, de rebus ecclesie sancti Petri seu sancti Gorgonii, quas antecessores ipsius Heremberti et ipse Erembertus ad idem monasterium, pro remedio animarum suarum, quondam dederant, quasque ipse hactenus in precariam habebat, in pago Scarponinse, in fine Ceponiaca, de terris arabilibus et pratis simul coniacentibus ancingas mensuratas quinque, et dimidium iornalem, et de ipsa abbatia et beneficio, Roberto ipso consentiente, iornalem I inter duo loca in ipsa fine Ceponiaca, quod ita terminatur: de uno latere et una fronte in primo loco ipse Erembertus tenet, de alio vero latere Rotbertus, et in alio loco de uno latere et de una fronte Rodbertus tenet, in alio vero latere ipse Erembertus, et de alia fronte ratio Sancte Segolene ; intra hanc finem et has terminationes totum et ad integrum. Econtra vero reddidit ipse Erembertus ad partem ecclesie sancti Petri seu sancti Gorgonii, de proprietate sua, in pago Scarponinse, in fine Segoniaga, in loco qui dicitur Boslesilve, et in fine Ceponiaca, in loco qui dicitur Verenna Adelardi, ancingas V mensuratas et dimidium, et in fine Radeliniaca, in loco qui dicitur Aigonis vallis, jornalem I pro beneficio Roberti, qui ita terminatur : de uno latere ratio sancti Gorgonii, de alio latere et una fronte ratio Sancte Segolene, de alia vero fronte via publica; intra has omnes fines et terminationes predictas totum ad integrum. Eo scilicet rationis tenore ut, a die presenti in futuro, quicquid pars iuste et rationabiliter alteri contulit parti iure hereditario succedat, et de collatis unaqueque pars quicquid facere decreverit, videlicet habendi, tenendi, commutandi, in omnibus libero perfruatur arbitrio. Et ut hec commutatio omni tempore firma et stabilis permaneat, ad peticionem Widerici, abbatis, et monasterii prescripti, monachorum memoratus presul manu propria illam roboravit et manibus fidelium suorum roborari fecit.Actum in Scarponna, in mallo, publice, anno ab incarnatione Domini DCCCCXII, indictione XV, epacta nulla, concurrente III, anno I regnante Karolo rege, filio regis Lodovici.Erlebaldus comes manu propria roboravit, Signum Warneri; S. Teufridi; S. Gerzoni; S. Seivini; S. Ailolfuni; Giberti; Arbodi; Albrici; S. Roberti, qui hanc commutationem fieri et firmare rogavit; S. Hamedei; Gotsaldi; Waini; Barnacri; Angelelmi, Ego Galemannus, cancellarius, scripsi et subscripsi.