La reine Richilde donne à l'abbaye de Gorze tous ses biens de Moncel, à condition de les recevoir en précaire de ladite abbaye, en même temps que d'autres à Varangéville, Longeville et Voisage.
Datierung: 910
Ausstellungsort: Boloneias
Ego in Dei nomine Richildis quondam regina, cogitans pro divini respectus intuitu et anime mee salute ut veniam in futuro delictorum meorum adipisci merear, et in die tremendi examinis ante tribunal Christi, secura adsistens, illam desiderantissimam Domini vocem audire valeam: « Venite, benedicti patrismei, percipite regnum; » propterea dono quasdam res proprietatis mee ad partem sancti Petri seu sancti Gorgonii Gorziensis monasterii, cui domnus Robertus, sancte Mettensis ecclesie episcopus, preesse videtur, donatumque in perpetuum esse volo et promptissima voluntate per cartulam testamenti confirmo; hoc est, in comitatu Virdunensi, in villa que dicitur Manciola, mansum indominicatum cum edificiis desuper statutis, et de terris arabilibus indominicatis ad seminandum inter utrasque sationes modios CCCC, prata quoque ad colligendum XXII karradas feni, de silva ad saginandum porcos DCC, farinarios II, alios quoque mansos et sortes IX, et mancipia LX, quorum hec sont nomina : Rainaldus et uxor eius Genildis, cum infantibus VII; Folcherus et uior Ermengardis, cum infantibus II; Hisemfridus ; Winierus et uxor eius Mumblia, cum infantibus III; Harpertus et Mancia; Teutaidis cum infantibus III; Rosinda; Himbertus et uxor eius Erildis, cum infantibus IIII; Teubaldus et uxor eius Adelsindis; item Arpertus et uxor eius Geroidis, cum infantibus II; Ermengerus et uxor eius, cum infantibus duo; Warlindis cum infantibus V; Wandelbertus; Erchembertus; Angelildis cum infantibus III; Emil dis cum infante I; Ermenaidis cum infantibus II; Ermenradus; Blitcherus; Folculfus et uxor eius Rotgardis; videlicet quicquid in ipsa villa vel ad ipsam aspiciens visa sum tenere vel habere, in mansis siquidem, edificiis, mancipiis utriusque sexus, campis, pratis, silvis, farinariis, aquis aquarumve decursibus, mobilibus et immobilibus, cultis et incultis, totum per omnia ad integrum, partibus prefati monasterii sancti Petri seu sancti Gorgonii dono, trado atque transfundo in Dei nomine perpetualiter ad possidendum. lta tamen ut in recompensatione earumdem rerum, et aliarum que sunt in comitatu Gerbercinse, in Langei villa, quas simili modo per aliam cartam ad ipsum monasterium dedi, tam ipsas res quas ego dedi quam et de ratione sancti Petri vel sancti Gorgonii monasterium in honore eiusdem sancti Gorgonii dicatum, in pago Calmontinse, in Warengisi villa situm, cum omnibus suis appendiciis, et ad ipsum monasterium aspicientes mansos et sortes LXII, cum mancipiis ibidem cummanentibus vel aspicientibus, et in alio loco, in pago Scarponinse, super fluvium Mosellam, in Wasatico vocata villa, mansos et sortes V, et quicquid ad eos aspicit, videlicet quicquid ad ipsos predictos mansos aspicere dinoscitur, in mansis, ecclesiis aliisque edificiis, mancipiis utriusque sexus, vineis, campis, pratis, silvis, aquis aquarumve decursibus, totum per omnia et ad integrum, de parte predicte ecclesie, per beneficium memorati domni Roperti, presulis, seu successorum eius, quandiu vixero, valeam habere et excolere, iure precario, quieto ordine iureque legitimo uti. Et proinde annis singulis in festivitate sancti Gorgornii sic, que est V idus septembris, ad partem ipsius monasterii, ad altare sancti Petri, de argento solidos VII persolvere debeam. Post meum quoque discessum, quando quidem Deus voluerit, ipse res omnes ad partem ipsius ecclesie, absque ullius contradictione vel iudicis assignatione, omnimodis revertantur. Et sic deinceps pars ipsios ecclesie illas habeat, teneat atque possideat, vel quicquid rectores ipsius sancti loci exinde facere decreverint in omnibus libero perfruantur arbitrio stipulatione subnixa. Actum in Boloneias vocata villa, publice, anno quo supra. Signum domne Richildis regine, cuius rogatu hec carta facta est; † Signum Altmanni, advocati eius, qui hanc cartam a terra levavit, et fieri ac firmari rogavit; † Signum Teudonis comitis; † Signum Maingaudi; † Signum Bernoini, scabini; † Signum Altcheri, scabini; † Signum Goberti, scabini et centenarii; † Signum Guntardi, scabini; † Signum Blitcheri, scabini; † Signum Olrici; † Signum Magineri; † Signum Albrici ; † Signum Teutwini ; † Signum Merulfi; † Signum Salaconis. Ego Quillardus, presbiter atque cancellarius, legi et relegi.