L'abbé et les moines de Gorze donnent à Barnerus, Wahinus et Dotda une terre sur le Ru-de-Mad en échange d'autres à Raulecourt.
Datierung: 886
Ausstellungsort: Gorze
Inter quos karitas illibata permanserit pars parti congrua beneficia oportunitatis denegare non debet. ldeoque placuit atque convenit inter Herigaudum, Gorziensis monasterii abbatem, et cunctam congregationem monachorum sancti Petri et sancti Gorgonii, ut quasdam res inter se commutarent; quod ita et fecerunt. Dederunt Barnerus, et Wainus, et Dotda, de rebus proprietatis sue, in pago Scarponinse, ad partem sancti Petri seu sancti Gorgonii, in fine Rodolciaca, de terra arabili iornale I, qui sic determinatur : de uno latere ratio Sancti Stephani, de alio latere ipsi heredes tenent, de una fronte Gundelandus tenet, de alia fronte ipsi heredes tenent; in alio loco, in ipsa fine, iornalem I et dimidium, et terminatur ita : de uno latere Ragembaldus tenet, de alio latere ratio Sancti Stephani, de una fronte caminus est. Econtra dederunt Herigaudus, abbas, et cuncta congregatio monachorum iam dicto Barnero, et Wahino, et Dotdane, de rebus sancti Gorgonii, in pago Scarponinse, super fluviolum Magide, terram arabilem que habet in longum perticas XX, in latum IX, farinarium I; ipsa terra sic terminatur : de ambobus lateribus et una fronte ratio sancti Gorgonii, de alia vero fronte fluvius Maide decurrit; terminationem ad integrum. Ea vero ratione ut quicquid pars iuste et rationabiliter alteri contulit parti iure hereditario succedat, et de collatis unaqueque pars quicquid facere decreverit, videlicet vendendi, commutandi, in omnibus libero potiatur arbitrio. Si quis vero quod fieri non credo, hanc commutationem violare temptaverit, auri libras V persolvat, et quod repetit evindicare non valeat. Et ut hec commutatio omni tempore firma et stabilis permaneat, manu propria illam roboravimus, et manibus fratrum nostrorum roborare fecimus. Facta commutatio in Gorzie monasterio, anno quo supra. Signum Barneri, et Wahini, et Dotdane, qui hanc commutationem fieri et firmare rogaverunt; † Augeri; † Ercumberti ; † Radowali ; † Gauzini ; † Eudoni ; † Ragoeri ; † Barneri ; † Ragoardi ; † Agigutii ; † Folchradi ; † Madelbaldi ; † Erponi ; † Widolfi ; † Ermunbaldi ; † Gundelandi; † Uinelandi; † Wanberti; † Erlulfi; † Larmundi ; † Gunbaldi ; † Fredemari ; † Ermenulfi ; † Everardi. Ego Racher monachus scripsi et subscripsi.