Warnildis donne à l'abbaye de Gorze tous ses biens à Doncourt et Ancourt.
Datierung: 822
Ausstellungsort: Herbeuville
Ego in Dei nomen Warnildis, pro Dei timoris intuitu, vel pro anime mee remedio, seu et pro etema retributione, dono ad eclesiam sancti Petri vel sancti Gorgonii martyris, que est constructa in loco qui dicitur Gorzia, quam domnus Chrodegangus a novo edificavit, et in qua Haldinus abbas cum monachis suis consistere videtur, res meas totas in pago Virdunense sive Wabrinse, in loco qui dicitur in Dodoni curte, vel in ipsa fine, et in Emceno curte, vel in ipsas fines, tam terris, mansis, casis, casulis, domibus, edificiis, campis, periis, vel reliquis adiacentiis, pratis, pascuis, silvis, aquis aquarumve decursibus, cultis et incultis, omnia et ex omnibus, quicquid michi de genitore meo et de genitrice mea, aut per dotalicium, aut de diversis hominibus dato precio comparavi, aut de qualicumque adtractu ad me pervenit, totum in integrum, ad ipsam casam Dei sancti Petri condono, trado atque transfundo perpetualiter, ita ut ab hac die habendi, tenendi, possidendi, vel quicquid exinde pars ipsius basilice decreverint faciendi, libero in omnibus perfruantur arbitrio. Si quis vero quod fieri non credo, si ego, aut ullus de heredibus vel de choheredibus meis, seu quelibet alia opposita persona, contra presentem cartulam testamenti venire temptaverit, aut eam inrumpere voluerit, inferat sacratissimo fisco auri libram unam, argenti pondera II muleta sustineat. Et ut hec cartula testamenti firmior sit, manu propria subtersignavimus, et qui subscriberent vel signarent in presenti rogavi stipulatione suhnixa. Actum in Harbodo villa, anno ab incamatione Domini DCCCXXII, indictione XV, epacta XXV, concurrente II, anno IX regni Lodowici imperatoris. Signum Warnildis, qui hoc testamentum fieri et fieri firmare rogavit; Signum Baldoini; S. Amelberti; S. Ermenardi.