Blitharius donne à l'abbaye de Gorze un manse à Maizeray, dans le Verdunois.
Datierung: 771
Ausstellungsort: Gorze
In nomine Patris, et Filii et Spiritus sancti. Ego Blitharius, filius Walthacrii quondam, pro Dei intuitu, vel pro anime mee remedio, seu et pro eterna retributione, per hanc cartulam donationis seu testamenti condono ad partem sancti Petri, et sancti Pauli vel sancti Gorgonii martyris, ubi ipse sanctissimus Gorgonius martir in corpore requiescit, vel ad monasterium Gorzie, ubi in Dei nomine Teutmaurus abbas, vel omnis congregatio monacorum preesse videntur, hoc est res meas pro prias in pago Virdunense, in villa Masiricio, hoc est ilium mansum quem genitor meus Walcarius coniugi mee Ratsindane, per libellum dotis condonavit, et ipsa Ratsinda, coniunx mea, moriens michi dereliquit. lpsum mansum integrum ad presentem diem terminal ab uno latere ex una fronte Waltario, ex alio latere Igberto, ex alia vero fronte via publica, sub longo ad pertecas undecim peilorum, in longo de uno latere pertecas XVIIII, ex alio latere X, et per treversum in uno capite pertecas XII, et in alio capite pertecas IX et dimidium; totum in integrum a presenti die condono, trado atque transfundo perpetualiter, in Dei nomine, ad possidendum, vel quicquid exinde pars ecclesie facere vel eligere voluerint, in omnibus habeant potestatem. Si quis vero quod fieri non credo, si ego ipse aut ullus de heredibus vel coheredibus meis, seu quelibet alia opposita persona contra hanc donationem sive testamentum, quam ego spontanea voluntate fieri et confirmare rogavi, agere, ire conatus fuerit, aut si fortasse invindicare vel immutare voluerit, ammoneo ut caveat ne iram Dei omnipotentis incurrat, et insuper inferat ad partem ecclesie auri libras II, argenti pondo III muleta sustineat, et quod repetit quicquam non valeat evindicare, cum stipulatione subnixa. Actum in monasterio Gorzie, anno quo supra. Signum Blitarii, qui hoc testamentum fieri et confirmari rogavit; Signum Ratsindane, coniugis sue; S. Watharii, genitoris sui consentientis; S. Alpacrii, germani sui; S. Berengarii, germani sui. Ego Adalharius, ac si indignus monachus, rogatus, hoc testamentum scripsi.