Angilran, évêque de Metz, donne à l'abbaye de Gorze les domaines de Foug et de Jouy.
Datierung: 770
Cum Christus, unicus filius Patris, qui cum Patre et Spiritu sancto cuncta creavit ex nichilo, non dedignatus sit animam pro ovibus suis ponere, et adquisitas proprio cruore servo sibi credito tradidit custodiendas, ipse cui committuntur perspicere ac sollerti studio pervigilare debet, ut gregem sibi commissum, in quantum ipse qui tradidit ei vires tribuere dignabitur, non negligendo necessaria omnia, tam spiritualia quam et temporalia, impendere studeat, et talentum sibi creditum cum usuris domino suo representet. Ideoque ego in Dei nomine Alchirannus, gratia Dei Mettensis urbis episcopus, pro divino intuitu, vel anime nostre remedio, seu pro eterna retributione, una cum consensu cleri vel laicorum fidelium Sancti Stephani, prothomartiris, peculiaris patroni nostri, cui ecclesie, auctore Christo, preesse disnoscimur, donamus ad monasterium Gorzie, quod subjacet ipsi ecclesie Sancti Stephani, quod predecessor noster bone recordationis, domnus Chrodegangus archiepiscopus, in honore sancti Petri vel ceterorum sanctorum a novo edificavit, et turbam monachorum sub sancta norma vitam degentes coaccervavit, vel ubi sanctus Gorgonius, preclarus videlicet martyr, in corpore requiescit, et ubi Theomarus abbas sub manu nostra rector esse videtur, hoc est, res illas de ratiorie Sancti Stephani, id est, in pago Bedinse, villam nuncupatam Faho, quam nunc per beneficium Sancti Stephani vel nostrum Fredelaigus, vassus domini Carolimanni regis, per precariam nostram tenere videtur, necnon et villam aliam de ratione ipsius Sancti Stephani, sitam in pago Wabrinse, cognominatam Gaugiaco, quam Godfridus, similiter homo dominicus, per beneficium Sancti Stephani vel nostrum, per precariam tenere videtur, ad ipsum jam fatum monasterium, vel ad illam sanctam congregationem inibi vitam ducentem, volumus esse donatum; hoc est, tam terris, domibus, edificiis, campis, pratis, pascuis, vineis, silvis, cultis et incultis, aquis aquarumve decursibus, mobilibus et immobilibus, mancipiis, litis, acolabus, adiacentiis, apendiciis, cum integris terminis, solidisque statis earum, ad easdem villas iam fatas, Fao et Gaugiaco, aspicientibus, vel pertinentibus ad partem sancti Petri vel sancti Gorgonii, seu ad ipsos fratres proficiat in augmentis, ut eos melius delectet pro nobis vel inclito rege nostro Carlomanno, seu stabilitate regni Francorum, et successoribus nostris, Domini misericordiam adtentius exorare, et ilium censum quem usque nunc ipse Fredelaigus vel Godfridus ad partem Sancti Stephani vel nobis dederunt, ipsum ad partem ipsius monasterii vel ad ipsos fratres annis singulis persolvant. Et cum ipsi de hac luce discesserint, ipsi fratres ipsas iam fatas villas, cum omni superposito, absque ullius contradictione, vel iudicis, aut pontificum successorumque nostrorum, expectata traditione, in eorum recipiant potestatem. Queso namque successores patresque meos episcopos, et per inseparabilem Trinitatem adiurare presumo, ut facta mea sic in evum perdurare permittant, sicut ipsi habent velle ut gesta eorum per tempora prolixa conserventur. Actum anno quo supra. Ego in Dei nomine Angilrannus, peccator episcopus, hanc epistolam cessionis a me factam relegi et subscripsi. Agnardus subscripsi. Ego Optarius, ac si indignus presbiter, subscripsi. Heboradus abbas subscripsi. Arthecarius archidiaconus subscripsi. Andreas subscripsi. Giso abbas subscripsi. Signum Hunniodo. Harimodus notarius subscripsi. Ego Wasco, infimus diaconus, iussus a domino et pontifico meo Angilranno, hanc epistolam cessionis scripsi et subscripsi.