Angilran, évêque de Metz, donne à l'abbaye de Gorze le domaine de Varangéville et d'autres, dans le Chaumontois.
Datierung: 770
Ausstellungsort: Fontaines
ln nomine Domini, Angilrannus, gratia Dei Mettensis urbis episcopus. Pastorale quidem exercemus officium, si oves nobis a Domino commissas, in quantum vires Omnipotens suppetit, undique conspicimus, ut alimoniam tam spiritalem quam corporalem habere non desinant, et si de rebus ecclesie senioris que nobis ad regendum vèl gubernandum tradita est, in ecclesiis vel monasteriis ad eandem pertinentibus vel aspicientibus, pro oportunitate servorum Dei vel pauperum aliquid impertimur, nichil contra auctoritatem canonicam vel instituta patrum agere estimamus. ldeoque, pro divino intuitu vel anime nostre remedio, una cum consensu clericorum vel laicorum fidelium ecclesie Sancti Stephani cui, auctore Deo, preesse videmur, donamus ad monasterium sancti Petri, in loco qui vocatur Gorzia, quod bone recordationis antecessor quondam noster dominos Chrodegangus archiepiscopus a novo edificavit, vel ad illam sanctam congregationem monachorum inihi consistentium, ubi inclitus ac preclarus videlicet martyr sanctus Gorgonius in corpore requiescit, vel ubi Theutmarus ahbas sub manu nostra preesse videtur, donatumque imperpetuum volumus esse, et plena animi devotione confirmamus; hoc est in pago Calvomontinse, villam nuncupatam Waringiso villa, cum adiacentiis vel appendiciis, seu oportunitatibus suis, tam terris, campis, pratis, pascuis, vineis, silvis, cultis et incultis, aquis aquarumve decursibus, mobilibus et immobilibus, mancipiis, litis, acolabus, pecuniis, peculiis, utriusque sexus, generis vel etatis, cum integro termino solidoque statu suo, omnia et ex omnibus, totum et ad integrum, quantumcunque ad ipsam villam aspicere vel pertinere videtur, ad ipsum monasterium vel ad ipsos fratres volumus esse donatum. Simili modo donamus in ipso pago rem illam in Manunone curte, quam Haribertus ad partem Sancti Stephani condonavit, et modo tenet filins suus nomine Chrotcharius per precanam. Similiter donamus in ipso pago rem illam in Thensaldo curte, quam Beto ad partem Sancti Stephani delegavit, et ipse modo per precariam tenet, seu et sortem illam in ipsa villa, quam Nebolungus per beneficium Sancti Stephani vel nostrum tenere videtur. Simili conditione donamus in ipso pago rem illam in villa Acciago, una eum illa ecclesia inibi construeta, eum omnibus ad ipsam pertinentibus, quam Aglibertus, filius Marcelli, per beneficium Sancti Stephani vel nostrum visus est habere. Donamus et rem illam in ipso pago, cognominante Vidulo, quam lbinus per beneficium Sancti Stephani vel nostrum videtur habere, necnon et illam rem in villa Buxarias, quam usque nunc Gondolannus per beneficium Sancti Stephani visus fuit tenere, ad ipsum monasterium sit delegata vel data. Similiter donamus res illas in ipso pago, in loco nuncupato Haldulfo curtem, et ad Bautsolo villam, quas Maurontus per suum testamentum ad partem Sancti Stephani condonavit. Simili modo donamus res illas in ipso pago Calvomontinse, quas Harbertus et Warnildis ad partem Sancti Stephani per suum testamentum delegaverunt, et modo ipsa Warnildis per precariam habere videtur, in loco nuncupante Arcas, seu et Aigone monte, ad ipsam casam Dei proficiant in augmentis. Similiter donamus res illas in ipso pago ad Tumbas, super fluvium Cernone, quas Halibertus ad partem Sancti Stephani delegavit, et modo filius suus Rabotdus per precariam tenet. Similiter donamus res illas super ipsum fluvium Cernone, quas Saibardus ad Sanctum Stephanum dedit. Simili conditione donamus in pago Suggentinse villam numcupatam Childufo villa, quam nunc Notto cornes per beneficium Sancti Stephani vel nostrum habere videtur, una cum illa sorte quam Gonthadus ad Sanctum Stephanum dedit, et ipse modo per precariam tenet. Hec omnia superius comprehensa, tam in terris, domibus, edificiis,campis, pratis, vineis, silvis, cultis et incultis, aquis aquarumve decursibus, mobilibus et immobilibus, mancipiis, litis, acolabus, adiacentiis, appendiciis, cum integris terminis solidisque statis earum ad easdem res pertinentibus vel aspicientibus, ad ipsum iam fatum monasterium vel ipsos fratres proficiant in augmentis, ut eos melius delectet pro nobis, vel inclitis regibus nostris Carolo atque Carolomanno, seu stabilitate regni Francorum, et successoribus nostris Domini misericordiam attentius exorare. Et quisquis ex istis hominibus superius nominatis, vel aliis quibuslibet, de rebus superius intimatis, per beneficium Sancti Stephani, vel per precarias ad censum habere videntur, illud censum quod usque nunc in domum ad opus nostrum dederunt, deinceps in antea ipsum censum ad ipsum sepedictum monasterium vel ad ipsos fratres persolvant. Et cum de hac luce discesserint, et dies obitus eorum advenerit, post eorum discessum ipsas res cum omni superposito, absque ullius contradictione, vel judicis, vel pontificum successorumque nostrorum, expectata traditione, ipsi fratres in suam recipiant potestatem; precorque successores dominosve meos, et per sanctam Trinitatem adiurare presumo, ut facta mea sic in evum perdurare permittant, sicut ipsi habent velle, ut gesta eorum in perpetuum perseverent. Actum super fluvium Mose, in loco qui vocatur Fontanas, anno ab incamatione Domini DCCLXX, indictione VIII, epacta XIX, concurrente VII, anno I regni Carolomanni regis. Ego Angilrannus, peccator episcopus, hoc testamentum a me factum relegi et subscripsi. Ego Grimaldus abbas subscripsi. Ego Helborardus abbas subscripsi. Ego Giso abbas subscripsi. Ego Sigilbertus abbas subscripsi. Fredalius, peccator corepiscopus, subscripsi. Stephanus presbiter subscripsi. Andreas subscripsi. Donatus subscripsi. Ego Ricfridus subscripsi. S. Widigaugi. Harimaudus subscripsi. S. Dodone. S. Hardowino. S. Hildebodo. S. Adolfo. Ego Wasco, iussus a domino et pontifice meo Angilranno, hoc testamentum scripsi et subscripsi.