Childeraudus et sa femme Andegaldana vendent à l'abbaye de Gorze tous leurs biens à Pagny, Vittonville et Norroy, ainsi qu'un serf avec sa femme et ses enfants.
Datierung: 762 05 19
Ausstellungsort: Gorze
Domino et sancto et apostolico patri Chrodegango, archiepiscopo, atque abbati Theumaro, et Boboni preposito, necnon et ceteris monachis Gorzinse presentibus pariter et futuris, Childeraudus, filius Waldemari quondam, una cum consensu coniugis mee Andegaldane, filie Lancheri, proprietates nostras pari ter vendidimus per hanc paginolam venditionis, quam, presenti et rogante Adalrado, lectore et amanuensi, scribere rogavimus ad partem sancti Petri et sancti Pauli Gorzinse; hoc est res nostras sitas in pago Scarponinse, villa cuius vocabulum est Pontibannio sive et Witel villa, cum omni integritate ad ipsas pertinentes, cum mansis, campis, olchis, pratis, silvis, vineis, arboribus, ortulis, domibus, edificiis, casis, casulis, omnibus edificiis superpositis, cum omni integritate, mobilibus et immobilibus, perviis, aquis aquarumve decursibus, cultis et incultis, et terris aratoriis, tam in giro Moselle, quam in giro fluvioli Mortici, et illis terris in montanis, vel quicquid in iamdicta loca aspicit, tam paterno, materno, sen et de comparato, et quicquid per venditiones, commutationes, traditiones ad supradicta loca aspicit, sicut jam diximus, vel de quolibet adtracto coniugi mee Audegardane hoc venisse aut legibus obvenire debebit de genitrice sua Dodane, socru mea, totum et ad integrum, et quicquid per venditionis titulum de Agrulfo, dato precio, comparavimus, vel quicquid in jamdicta loca aspicit, totum et ad integrum; similiter mancipia et servos nostros : Gontarium cum uxore sua Adaliurane, cum infantibus eorum Grimero, Wilfingo; hec sunt mancipia que de socero meo Lanchero conjugi mee Andegaldane legibus obvenerunt, totum et ad integrum; similiter in fine Manrwogiaca, tam terris, pratis, campis, cum omni integritate in ipsa loca, totum et ad integrum. Disterminant ipsi mansi jam superius dicti ab uno latere alodii Maurelandi, cum consortibus suis, quod ad ilium pervenit de conjuge sua Renegarde, et alio latere Gailane, cum consortibus suis et Ebroalogo, et uno fronti via publica, alio vero fronti fluvio Mosella. Ipsos mansos vel quicquid ad ipsos mansos aspicit, vel in ipsa villa visi fuimus tenere aut dominari, mobilibus et immobilibus, utriusque sexus, generis, vilitatis, totum et ad integrum, de iure nostro in iure ipsius ecclesie, vel ipsis monachis in manibus eorum tradimus vel vendimus ad possidendum; et pro hoc accipimus a vobis in precio taxatum, sicut inter nos bene complacuit atque convenit, in auro, et in argento, atque pensanti numero, in libras septem tantum, ut ab bac die habendi, donandi, commutandi, vendendi, vel quicquid de ipsis rebus vel de ipsis mancipiis iam supradictis in Dei nomine facere volueritis, liberam ac firmissimam in omnibus habeatis potestatem faciendi. Si quis vero, quod futurum esse aut fieri non credimus, si nos ipsi aut ullus de heredibus vel proheredibus nostris, seu quislibet aut ulla opposita persona contra hanc paginolam venditionis, quam nos spontanea voluntate fieri et firmare rogavimus, agere vel venire temptaverit, aut si fortasse invendicare voluerit, et non defenssavimus quod vobis vendidimus, aut heredes nostri tantum et aliud tantum quantum suprascripta venditio vel ipse res emeliorate valuerint, dupla pecunia nos vobis vel heredes nostri spondeo reddituros, et inferat una euro socio visco auri libras tres, argenti pondo quinque muleta sustineat, et quod repetit quisquam invendicare non valeat, sed presens venditio ista omni tempore firma et inviolata permaneat, astippulatione subnixa. Actum Gorzie monasterio, in honore sancti Petri facta venditione, anno ab incarnatione Domini DCCLXII, indictione XV, epacta XXII, concurrente IIII, anno XI regni Pippini regis, XIIII kalendas junii. Signum Childeradi et signum Aldegadane, conjugis sue, pariter qui hanc venditionem in publicum fieri et affirmare rogaverunt. S. Waldemari, filii eorum consentientis. S. Lancheri, soceri Childeradi. S. Truberti. † Gunderdi. † Sigleberti. † Nivelungi. † Haldini. † Fredalagi. † Burgardi. † Adalbaldi. Ego Adalradus, ac si indignus peccator et amanuensis rogatus, hanc venditionem scripsi.