Chrodegang, évêque de Metz, donne à l'abbaye de Gorze divers biens à Saint-Dizier, Boncourt-en-Jarnisy, Metz, Petershain, etc.
Datierung: 754 05 25
Ausstellungsort: Metz
ln nomine Domini nostri Jesu Christi. Ego Chrodegangus, ac si indignus si non opere vel nomine, gratia Dei Metensis urbis episcopus, una cum commeatu et voluntate illustrissimi viri Pippini, incliti regis, senioris nostri, et cum consensu omnium parium nostrorum, abbatum, presbiterorum, diaconorum, subdiaconorum, vel omnis cleri nostri, seu et hominum Sancti Stephani ecclesie Metensis, vel illorum laicorum bonorum qui ibidem in servitio Sancti Stephani esse videntur, cogitavi, casu humane fragilitatis, qualiter peccata nostra, donante Domino, possimus abluere, et ad eterna gaudia pervenire. Idcirco donamus, de rebus Sancti Stephani, ad illam basilicam sancti Petri et sancti Stephani et sancti Pauli, vel ceterorum sanctorum, quam nos, Deo auxiliante, a novo edificavimus in fine Haldiniaca, in pago Scarponinse, ubi Gorzia fluviolus consurgit, et ad ipsam cellam quam ibidem construximus, et ad opus servorum Dei habitantium, donamus ibidem, per hanc paginam testamenti, onde illi monachi vel pauperes ibidem victum et vestitum vel aliam consolationem possint habere; hoc est curtem Sancti Stephani Somolonna, in pago Pertinse, cum omni integritate sua, et omnes adiacentias suas ad eandem pertinentes. Et donamus ibidem Wasnao in Campania, cum omni integritate, et omnes adiacentias suas ad eandem pertinentes, quicquid ibidem pars ecclesie Sancti Stephani visa est habere. Donamus etiam ibidem Cipiene villam, et Wasane villam, et Bertaldo curtem, in pago Waveinse, cum omnibus adiacentiis eorum, vel aliis que ad ipsas obtingunt, cum omni integritate ad integrum. Donamus etiam ibidem Bavone curtem, Cincinone villam, in ipso Wanverinse, cum omni integritate eorum. Similiter donamus in pago Warmacinse illam basilicam que est in Paterno villa constructa, vel quicquid ad ipsam basilicam legibus obtingit, seu et illam decimam de vino, vel de annona, vel de aliis fructibus, quicquid in ipsa Paterno villa annis singulis est collectum. Et donamus ibidem ad Bredalium unum vinitorem, cum sorte quam ipse vinitor tenet, seu et illam vineam indominicatam quam ipse facit, et illam decimam de illo vino vel de annona, quicquid ibidem annis singulis in ipsa curte est collectum. Donamus ibidem, in pago Magninse, Pumaris sortem cum vinitore, vel illam vineam quam ipse vinitor facit, seu et illam decimam de vino, de annona, quicquid ibidem annis singulis est collectum. Donamus etiam ibidem ad Miliagum unum vinitorem cum sua sorte quam tenet, seu et illam vineam indominicatam quam ipse facit, seu et illam decimam de vino, de annona, quicquid in ipsa curte annis singulis est collectum. Donamus etiam in Subteriore Vico aream cum sessu suo, ubi hinnium ipsi fratres possint habere. Donamus etiam ibidem in Asenago in Campania servos duos cum sortibus eorum, qui verveces ipsorum custodiant, seu et illam decimam de vino vel de annona, de Arrenago et Bocinnago, que ibidem annis singulis est collecta. Donamus ibidem in Mettis vineas duas. Donamus ibidem illam cellam quam Dodo antea habuit, antequam illam cellam Sanctus Stephanus habuisset. Et ista omnia supranominata totum et ad integrum hoc volumus quod ad casam sancti Petri omni tempore proficiat in augmentis. Si quis vero ex successoribus meis, vel dominis meis predicti cleri Metensis, seu quelibet persona, contra hoc testamentum meum venire temptaverit, seu aliquid exinde facere voluerit absque mea voluntate, dum maledicere nolo, nichilominus noverit se in tremendo die iuditii, ante tribunal Christi, ex hoc mecum causaturum. Et ut omni tempore hec pagina valeat inconvulsa, actum Metis, publice, sub die et tempore quo supra.