Chrodegang, évêque de Metz, donne à l'abbaye de Gorze divers biens à Vanault-le-Châtel, Sponville, Vic, Metz, etc.
Datierung: 754 05 25
Ausstellungsort: Metz
ln nomine Patris, et Filii, et Spiritus sancti. Ego Chrodegangus, ac si indignus si non opere vel nomine, gratia Dei Metensis episcopus, una cum commeatu et voluntate illustrissimi viri Pippini, inclyti regis, senioris nostri, et cum consensu omnium parium nostrorum, abbatum, presbiterorum, diaconorum, subdiaconorum, vel omnis cleri nostri, seu et hominum Sancti Stephani ecclesie Metensis, vel illorum laicorum bonorum qui ibidem in servitio Sancti Stephani esse videntur, cogitavi casu humane fragilitatis qualiter peccata nostra, donante Domino, possimus abluere, et ad eterna gaudia pervenire. Idcirco donamus, de rebus Sancti Stephani, ad illam basilicam sancti Petri, et sancti Stephani, et sancti Pauli, vel ceterorum sanctorum, quam nos, Deo auxiliante, a novo edificavimus in fine Haldiniaca, in pago Scaporninse, ubi Gorzia fluviolus consurgit, et ad ipsam cellam quam ibidem construximus, el ad opus servorum Dei habitantium, condonamus ibidem per hanc paginam testamenti, onde illi monachi vel pauperes ibidem victum et vestitum vel aliam consolationem possint habere , hoc est curtem Sancti Stephani Holomnam, in pago Pertinse, cum omni integritate, et omnes adiacentias suas ad eandem pertinentes. Donamus etiam ibidem Wasnao in Campania, cum omni integritate sua, et omnes adiacentias suas ad eandem pertinentes, quicquid ibidem pars ecclesie Sancti Stephani visa est habere. Donamus etiam ibidem Cippone villam, et Wassane villam, et Beltaldo curtem, in pago Wanbrinse, cum omnibus adiacentiis eorum, vel aliis que ad ipsas obtingunt, cum omni integritate ad integrum. Similiter donamus ibidem Bavone curtem, Cincilone villam, in ipso Wanbrinsi pago, cum omni integritate eorum. Donamus etiam in pago Warmancinse illam basilicam que est in Paterno villa constructa, vel quicquid ad ipsam basilicam legibus obtingit, seu et illam decimam de vino, vel de annona, vel de aliis fructibus, quicquid in ipsa Paterno villa annis singulis est collectum. Similiter donamus in pago Magnise, in villa Pomaris, sortem cum viniatore, vel illam vineam quam ipse viniator facit, seu et illud decimum de vino vel de annona, quicquid ibidem annis singulis est collectum. Donamus etiam ibidem ad Bredalio unum viniatorem cum sua sorte, quam tenet, seu et illam vineam indominicatam quam ipse facit, et illam decimam de vino vel de annona, quicquid in ipsa carte annis singulis est collectum. Donamus etiam ibidem, in Subteriore Vico, aria cum sessu suo, ubi hinium ipsi fratres possint habere. Similiter donamus ibidem, in Arsiniago in Campania, servos duos cum sortibus eorum, qui ipsorum verveces custodiant, seu et illam decimam de vino vel de annona, de Arsiniago et Bocinnago, que ibidem annis singulis est collecta. Donamus etiam ibidem in Mettis vineas duas, et donamus ibidem illam cellam quam Dodo antea habuit, antequam illam cellam Sanctus Stephanus habuisset. Et ista omnia superius nominata totum et ad integrum hoc volumus quod ad casam sancti Petri omni tempore proficiat in augmentis. Si quis vero ex successoribus nostris, vel dominis meis predicti cleri Metensis, seu quelibet persona contra hoc testamentum meum venire temptaverit, aut aliquid exinde facere voluerit, absque mea voluntate, dum maledicere nolo, nichilominus noverit se in tremendo die iuditii, ante tribunal Christi, mecum ex hoc causaturum. Et ut omni tempore hec pagina testamenti valeat inconvulsa, actum est hoc Metis, publice, anno ab incarnatione Domini DCCL°IIII°, indictione VII, epacta XXIII, concurrente I°, anno IIII regni Pippini, gloriosissimi regis, XXV die maii. Chrodegangus episcopus. Signum Gaisone; signum Zacharie; † Norgaudo; † Teoderico; † Agnardo, abbas; † Jacob, abbas; Bonciolo, abbas; †Childradus; † Gondulfus; † Raginardus; † Dodo; † Milo; † Anglemaro, subdiaconus; † Andreas, subdiaconus; † Trumbertus, subdiaconus; † Chrodingo † . Hii sunt testes et eorum signa. Ego Richerus, ac si indignus diaconus, iussus, hanc paginam testamenti scripsi.